გიორგი გახარია - სამწუხაროდ, არაფორმალური მმართველობა ჩვენი ქვეყნის პოლიტიკური კულტურის ნაწილია

ქვეყანაში ფაქტია, რომ ჩვენ მმართველობითი სისტემის სერიოზული პრობლემა გვაქვს, - ამის შესახებ პოლიტიკური გაერთიანება „საქართველოსთვის“ თავმჯდომარე გიორგი გახარიამ თოქ-შოუების წამყვანებთან შეხვედრაზე განაცხადა, რითაც უპასუხა შეკითხვას არის, თუ არა ბიძინა ივანიშვილი ქვეყნის არაფორმალური მმართველი.

მისივე თქმით, მმართველობის სისტემა დაბალანსებული არ არის.

„ქვეყანაში, რა თქმა უნდა, ფაქტია, რომ ჩვენ მმართველობითი სისტემის სერიოზული პრობლემა გვაქვს. ეს ფაქტია, რომელიც ზედაპირზეა. რა თქმა უნდა, გასაგებია, რომ ეს მმართველობის სისტემა დაბალანსებული არ არის და სისტემის გარეთ მყოფი გარკვეული გავლენის მქონე ჯგუფები სახელმწიფო ინსტიტუტებზე გარკვეული ზეგავლენის მოხდენას ახერხებენ“, - განაცხადა გახარიამ.

გახარიას თქმით, „არაფორმალური მმართველობა სამწუხაროდ, ჩვენი ქვეყნის პოლიტიკური კულტურის ნაწილია“.

„ეს არ ეხება მხოლოდ ხელისუფლებას, ეს ოპოზიციასაც ეხება. რამდენიმე დღის წინ ოპოზიციური პარტიის ლიდერი შევიდეს თუ არ შევიდეს პარლამენტში, ჩავიდა უკრაინაში. რით განსხვავდება, ეს სხვა არაფორმალური მმართველობაა?“, - აღნიშნა გახარიამ.

სანამ ჩვენ ყველა ერთად, ჩვენი პოლიტიკური კულტურის ამ არანორმალურობას არ დავამთავრებთ, ჩვენ ყოველთვის გვექნება მიდრეკილება კერპების მიმართ. სამწუხაროდ, ეს არ არის მხოლოდ ერთი ადამიანის პრობლემა. ეს ჩვენი საზოგადოებისა და პოლიტიკური კულტურის პრობლემაა“, - განაცხადა გახარიამ.

გიორგი გახარიას თქმით, საქართველოში ყოველთვის და ყველა ხელისუფლებას ინსტიტუტების რეალურ გაძლიერებაზე მუშაობა უჭირდა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!