სალომე სამადაშვილი - „ნაციონალური მოძრაობისთვის" საპარლამენტო საქმიანობის შეზღუდვა სწორად არ მიმაჩნია, მაგრამ მათი მხრიდან მიშელის დოკუმენტის ხელმოწერაზე უარი უხეში პოლიტიკურ შეცდომაა

„ნაციონალური მოძრაობისთვის" საპარლამენტო საქმიანობის შეზღუდვა სწორად არ მიმაჩნია, მაგრამ „ნაციონალური მოძრაობის" მხრიდან დოკუმენტის ხელმოწერაზე უარის თქმა უხეში პოლიტიკურ შეცდომაა,- ამის შესახებ ფრაქცია „ლელო- პარტნიორობა საქართველოსთვის" დეპუტატმა სალომე სამადაშვილმა ჟურნალისტებთან განაცხადა, რითაც „ქართული ოცნების“ თავმჯდომარის, ირაკლი კობახიძის განცხადებას გამოეხმაურა, რომლის თანახმად, თუ „ნაციონალური მოძრაობა" ხელს არ მოაწერს მიშელის დოკუმენტს, დოკუმენტით გათვალისწინებული პრივილეგიებით ვერ ისარგებლებს.

სამადაშვილის თქმით, „ნაციონალური მოძრაობის" გადასაწყვეტია, რა პოზიციას დაიკავებენ ხელმოწერასთან დაკავშირებით, თუმცა, თუ დოკუმენტს ხელს არ მოაწერენ, ეს არ დაეხმარება მათ პოზიციონირებას არც საერთაშორისო ასპარეზზე და არც ქვეყნის შიგნით.

„ნაციონალური მოძრაობა" საბოლოოდ როგორ ჩამოყალიბდება, არ ვიცი, მაგრამ მათ პარლამენტში შემოსვლაზე კატეგორიული პოზიცია ჰქონდათ და ამ პოზიციას გადახედეს. ახლა აქვთ კატეგორიული პოზიცია შარლ მიშელის დოკუმენტის ხელმოწერაზე. მიმაჩნია, რომ ეს არის მცდარი პოზიცია, რადგან ეს დოკუმენტი გახდება საფუძველი ქვეყნაში გარდამტეხი პოლიტიკური ცვლილებების. ქართველი ხალხი ადეკვატურად დააფასებს იმ პოლიტიკური მოთამაშეების გადაწყვეტილებას, ვინც დოკუმენტს ხელი მოაწერა,"- განაცხადა სამადაშვილმა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა