სალომე სამადაშვილი - ადამიანი, რომელიც რამდენიმე კვირის წინ  პრემიერი იყო, ისეთი გზავნილებით გვესაუბრება, თითქოს სხვა პლანეტიდან ჩამოფრინდა და მხსნელად მოევლინა ქართველ ხალხს

ადამიანი, რომელიც რამდენიმე კვირის წინ იყო პრემიერი, წლების მანძილზე იყო მთავარი მოთამაშე "ქართული ოცნების" პოლიტიკურ ბანაკში, გვესაუბრება ისეთი გზავნილებით, თითქოს რაღაც სხვა პლანეტიდან ჩამოფრინდა გუშინ და მხსნელად მოევლინა ქართველ ხალხს,- ამის შესახებ ფრაქცია "ლელო- პარტნიორობა საქართველოსთვის" დეპუტატმა სალომე სამადაშვილმა ჟურნალისტებთან განაცხადა, რითაც გიორგო გახარიას გუშინდელ პრესკონფერენციას გამოეხმაურა.

სამადაშვილი მიიჩნევს, რომ ასეთი გზავნილებით გახარია საზოგადოებას შეურაცხყოფას აყენებს და მისგან პასუხს აუცილებლად მიიღებს. სამადაშვილის თქმით, გახარიამ შესაძლოა, მხოლოდ გარკვეული რაოდენობის ამომრჩეველი წაართვას “ქართულ ოცნებას” თვითმმართველობის არჩევნებზე და ამით ოპოზიციას გაუიოლოს ამოცანა, რომ დაინიშნოს ვადამდელი არჩევნები.

"ძალიან კომიკურია იმაზე საუბარი, რომ გახარია ოპოზიციისთვის რაიმე სახის საფრთხეს წარმოადგენს. მოვისმინეთ მისი გამოსვლა, ძალიან არაშთამბეჭდავი იყო, ძალიან ბევრი ტყუილი იყო. ის ფაქტიურად არანაირად არ ემიჯნება იმ ყველაფერს, რაც „ქართული ოცნების“ მმართველობასთან არის დაკავშირებული: კორუფციას, მოქალაქეებზე ძალადობას და ა.შ. ამიტომ ვფიქრობ, გახარიას პოლიტიკური პროექტი საკმაოდ წარუმატებელი იქნება, თუმცა "ქართულ ოცნებას" ალბათ, რაღაც რაოდენობის ხმებს წაართმევს. ბიძინა ივანიშვილმა კარგად გააცნობიერა, რომ "ქართული ოცნება" ხელისუფლებას ვეღარ შეინარჩუნებს და რაღაც ტიპის კოალიციის ფორმირებას შეეცდება სხვადასხვა მოთამაშეებით, მათ შორის, შეისაძლოა გახარიასთანაც. მაგრამ იმდენად დისკრედიტირებულია უკვე „ქართული ოცნება“, ვფიქრობ, ივანიშვილის მცდელობა, შექმნას სატელიტური პარტიები „ქართული ოცნებისთვის“ და კოალიციის გზით შეინარჩუნოს ხელისუფლება სრული კრახისთვის არის განწირული,"- განაცხადა სამადაშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!