„საქართველოს წითელი ჯვარი“ უფასო ფსიქოლოგიური დახმარების შესახებ ინფორმაციას ავრცელებს.„საქართველოს წითელი ჯვრის“ ცხელ ხაზზე (032 2 501 105) ნებისმიერ მოქალაქეს აქვს საშუალება მიიღოს უფასო ფსიქოლოგიური პირველი დახმარება და, საჭიროების შემთხვევაში, ფსიქოლოგის კონსულტაცია.

„საქართველოს წითელი ჯვრის“ ცნობით, მოქალაქეებს ასევე შეუძლიათ ინფორმაციის მიღება Covid19-ის შესახებ არსებულ სახელმწიფო თუ არასახელმწიფო სერვისებზე, მათ შორის, ფსიქიკური ჯანმრთელობის სერვისებზეც. როგორც ორგანიზაციაში განმარტავენ, ასევე შესაძლებელია ტექნიკური მხარდაჭერის მიღება კოვიდ-19-ის ვაქცინაციაზე რეგისტრაციის გასავლელად.

„ცხელ ხაზზე დარეკვა შესაძლებელია სამუშაო დღეებში, 10:00-18:00 საათამდე.

შეგახსენებთ, „საქართველოს წითელი ჯვრის საზოგადოება“ ქვეყანაში კორონავირუსის გავრცელების საწყისი ეტაპიდან ჩართულია მოსახლეობის მხარდასაჭერად სხვადასხვა მიმართულებით“,-აღნიშნულია ინფორმაციაში.