გიგა ბოკერია - გიორგი გახარია ვერ ან არ ბედავს, რომ ივანიშვილზე მკაფიო პოზიცია დააფიქსიროს

ვისაც ამ ქვეყანაში ბიძინა ივანიშვილის რეჟიმის დამარცხება და ქვეყნის ჭაობიდან ამოყვანა სურს, იმათგან გახარიას ნდობა არ შეიძლება“, - ამის შესახებ „ევროპული საქართველოს“ თავმჯდომარემ, გიგა ბოკერიამ ყოფილ პრემიერ-მინისტრ, „საქართველოსთვის“ თავმჯდომარე გიორგი გახარიაზე საუბრისას განაცხადა.

როგორც ბოკერია აღნიშნავს, გიორგი გახარია ვერ, ან არ ბედავს, რომ ბიძინა ივანიშვილზე მკაფიო პოზიცია დააფიქსიროს.

„ვისაც ამ ქვეყანაში ბიძინა ივანიშვილის რეჟიმის დამარცხება და ქვეყნის ჭაობიდან ამოყვანა სურს, იმათგან ნდობა, ამ ადამიანის, გახარიასი არ შეიძლება. ადამიანი ვერ, ან არ ბედავს, რომ ივანიშვილზე მკაფიო პოზიცია დააფიქსიროს, 20 ივნისზე იგივე, „ოცნების“ პროპაგანდისტურ, უტიფარ ხაზს აწვება, აღიარებს, რომ მინისტრის მოხსნაც არ შეეძლო კრიტიკულ ვითარებაში, კოვიდზე საბრძოლველად თანხები ამ ადამიანის პიარზე დაიხარჯა და ამას შეეწირა ჩვენი ეკონომიკა და ჯანდაცვა. ყველა კრიტიკულ ვითარებაში, იქნება ეს ია კერზაიას საქმე, საპრეზიდენტო არჩევნების დროს სამარცხვინო ზეწოლისას, პანკისის სპეცოპერაციისას, თუ სხვა, ეს ადამიანი ვერ იღებდა იმ გადაწყვეტილებას, რომელიც ქვეყანას სჭირდებოდა, ან იღებდა სამარცხვინო გადაწყვეტილებებს“, - აღნიშნავს ბოკერია.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს