ალეკო ელისაშვილი - გიორგი გახარიას უნდა დაეზუსტებინა, საიდან მოდის ნეპოტიზმი, კორუფცია და ვინ არის ამაში ჩართული

როცა რაღაცას იტყვი და მერე ამბობ, „ნიჩურტი“ მაქვსო, სწორი არ არის,- ამის შესახებ ჟურნალისტებთან „მოქალაქეების" ლიდერმა ალეკო ელისაშვილმა გიორგი გახარიას გუშინდელი პრესკონფერენციის კომენტირებისას განაცხადა.

მისი თქმით, უახლოესი მომავალი აჩვენებს, რამდენად მოახერხებს გიორგი გახარია ოპოზიციაში თავის დამკვიდრებას.

„ვისი პროექტია, რა პროექტია, ამას დრო და მისი ქმედებები გვაჩვენებს. გიორგი გახარია იყო პრემიერი, ბიზნესომბუდსმენი, შს მინისტრი, თქვა, რომ ქვეყნის უმთავრესი პრობლემა კორუფცია და ნეპოტიზმიაო. გუშინ, როცა დააზუსტებინეს, კონკრეტულ რამეს ვერ ვამბობ, ზოგადად სისტემაზე ვსაუბრობო. ვფიქრობ, ამ პასუხით კიდევ უფრო უხერხულ მდგომარეობაში ჩაიგდო თავი. ვინაიდან, ეს თქვა, უნდა დაეზუსტებინა, საიდან მოდის ნეპოტიზმი, კორუფცია და ვინ არის ამაში ჩართული,"- განაცხადა ელისაშვილმა.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს