თამარ გაბუნია - დღეს მეცნიერება მსჯელობს იმაზე, რომ გადატანილი კორონავირუსი ვაქცინაციასთან ერთად არის საფუძველი მეტად მყარი იმუნიტეტის ჩამოყალიბებისთვის

დღეს მეცნიერება მსჯელობს იმაზე, რომ გადატანილი დაავადება ვაქცინაციასთან ერთად არის საფუძველი მეტად მყარი იმუნიტეტის ჩამოყალიბებისთვის, - ამის შესახებ ჯანდაცვის მინისტრის მოადგილემ თამარ გაბუნიამ ჟურნალისტებს განუცხადა.

მისივე თქმით, მას შემდეგ რაც ჯანდაცვის მინისტრს ეკატერინე ტიკარაძეს კორონავირუსი დაუდასტურდა, მისი მეორე დოზით ვაქცინაციის საკითხი გადაიხედება.

„დღეს გახდა ცნობილი, რომ ეკატერინე ტიკარაძეს დაუდასტურდა კოვიდი. მისი ჯანმრთელობის მდგომარეობა დამაკმაყოფილებელია, რჩება ბინაზე, თვითიზოლაციაში და აგრძელებს დისტანციურად მუშაობას. რაც შეეხება აცრის სტატუსს, ქალბატონ ეკატერინეს ჩატარებული აქვს აცრა, მეორე აცრის თარიღი განსაზღვრული იყო 14 ივნისისთვის, რაც არის 12 -კვირიანი ინტერვალით დადგენილი პერიოდი, თუმცა, ამ მდგომარეობის გამო, ბუნებრივია, მისი მეორე ვაქცინაცია გადაიხედება და გადაიდება. რაც შეეხება ვართ თუ არა კონტაქტები, ჩვენ პერიოდულად კონტაქტი, რა თქმა უნდა, გვქონდა, თუმცა, ვმუშაობთ ნიღბით, რაც ჩვეული მუშაობის რეჟიმია ჩვენთვის და სტრატეგიული ჯგუფების ფორმატში ვაგრძელებთ ტესტირებას. ჯერჯერობით, სხვა თანამშრომელი ინფიცირებული არ გამოვლენილა“, - განაცხადა გაბუნიამ.

მისივე თქმით, ინფიცირების შემდეგ მეორე და დამატებით ვაქცინაციასთან დაკავშირებით ჯერჯერობით, ერთიანი განსაზღვრული პროტოკოლი არ არის.

„ჩვენ პირობებში მხოლოდ ერთი ვაქცინა კეთდება და შემდეგ ინფიცირება თუ არის შემდეგ ვაქცინას ჯერჯერობით, აღარ ვთავაზობთ ხოლმე. გადატანიდან 120 დღე არის სტანდარტული პროტოკოლით გათვალისწინებული. დღეს მეცნიერება მსჯელობს იმაზე, რომ გადატანილი დაავადება ვაქცინაციასთან ერთად არის საფუძველი მეტად მყარი იმუნიტეტის ჩამოყალიბებისთვის. შესაძლებელია არც იყოს აუცილებელი მესამე, დამატებითი კიდევ ვაქცინაცია დაავადებიდან მოკლე პერიოდში, თუმცა ამასთან დაკავშირებით მყარი დასაბუთებული რეკომენდაციები არ არის გამოქვეყნებული. არის მხოლოდ მოსაზრებები“, - განაცხადა გაბუნიამ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს