„საქართველოს მედიატორთა ასოციაციასა“ და საქართველოს ნოტარიუსთა პალატას შორის, ურთიერთთანამშრომლობის მემორანდუმი გაფორმდა
„საქართველოს მედიატორთა ასოციაციასა“ და საქართველოს ნოტარიუსთა პალატას შორის, ურთიერთთანამშრომლობის მემორანდუმი გაფორმდა.
„საქართველოს მედიატორთა ასოციაციის“ ინფორმაციით, მემორანდუმის მიზანია, სანოტარო მედიაციის პოპულარიზაცია, ერთობლივი პუბლიკაციების შემუშავება და გამოცემა, მრგვალი მაგიდის, კონფერენციებისა და სხვა აქტივობების დაგეგმვა; მედიაციასთან დაკავშირებით საზოგადოების ცნობიერების ამაღლება; სხვადასხვა ერთობლივი სასწავლო პროექტების განხორციელება, მედიაციის შესახებ წლიური ფორუმის ორგანიზება და პატრონაჟი.
„მემორანდუმს ხელი მოაწერეს “საქართველოს მედიატორთა ასოციაციის” თავმჯდომარემ ირაკლი ყანდაშვილმა და საქართველოს ნოტარიუსთა პალატის თავმჯდომარემ დავით ფუტკარაძემ”, - აღნიშნულია ინფორმაციაში.
