კახა ოქრიაშვილი - მაქვს ინფორმაცია, რომ გახარიას პარტიას 10%-იანი რეიტინგი აქვს, მის გარშემო შეიძლება ჩამოყალიბდეს მესამე პოლიტიკური ძალა - „ოცნებაში“ ერთი წიოკია

პარტია „პროგრესი და თავისუფლების“ თავმჯდომარის, კახა ოქრიაშვილის განცხადებით, ყოფილი პრემიერ-მინისტრის გიორგი გახარიას პარტიას -„საქართველოსთვის“ 10%-იანი რეიტინგი აქვს. ამის შესახებ მან "პალიტრანიუსის" გადაცემაში "360 გრადუსი" განაცხადა.

ოქრიაშვილი გიორგი გახარიას პოლიტიკაში, როგორც ცალკე პოლიტიკური ფიგურის გამოჩენას მიესალმება.

„მოხარული ვარ, რომ გახარია შემოვიდა პოლიტიკაში, როგორც ცალკე პოლიტიკური ფიგურა და ცალკე პოლიტიკური პარტია უკვე 2 დღეა, მაქვს ინფორმაცია, რომ მის პარტიას 10%-იანი რეიტინგი აქვს, პიროვნული რეიტინგი უფრო მაღალი აქვს.

მუდმივად ვახორციელებ მონიტორინგს პოლიტიკურ სივრცეში რა ხდება, ვის რამდენი რეიტინგი აქვს, ბოლო კვლევა დასრულდა პრაქტიკულად გუშინ, მინდა განვაცხადო, რომ 10%-იანი რეიტინგი აქვს, ეს არის განაცხადი, რომ მის გარშემო შეიძლება ჩამოყალიბდეს მესამე პოლიტიკური ძალა. ეს ძალიან კარგია, რაც არ უნდა ილაპარაკონ ჩვენმა კოლეგებმა, განსაკუთრებით, „ოცნებაში“ არის ერთი წიოკი, რადგან ეს 10% პრაქტიკულად „ოცნების“ ამომრჩევლის დიდი ნაწილია, მაგრამ ძალიან კარგია, რომ პოლიტიკური კონკურენცია იზრდება. პოლიტიკური კონკურენცია ყოველთვის შეზღუდული იყო საქართველოში, დღესაც შეზღუდულია, წინა ხელისუფლების პერიოდშიც იყო შეზღუდული, იქ არ არის განვითარება, ანუ ჩვენი პოლიტიკური სუბიუექტების განვითარება არ ხდება. განუვითარებელი და სუსტი პოლიტიკური სუბიექტები განვითარებულ და მაგარ ქვეყანას ვერ ააშენებენ, ასე რომ მე ამ გადაწყვეტილებას მივესალმები და ძალიან მომწონს, რომ მათ 10% აქვთ“, - განაცხადა ოქრიაშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა