ალუდა ღუდუშაური - როცა აშშ-ის ასეთი მაღალი დონის წარმომადგენლობა ეწვევა ჩვენს ქვეყანას, ეს გზავნილია ჩრდილოელი ოკუპანტისთვის, რომ აშშ-ი კვლავაც რჩება საქართველოსთვის უმნიშვნელოვანეს სტრატეგიულ პარტნიორად

როდესაც ჩვენი სტრატეგიული პარტნიორის, ამერიკის შეერთებული შტატების ასეთი მაღალი დონის წარმომადგენლობა ეწვევა ჩვენს ქვეყანას, ეს პირდაპირი გზავნილია ჩრდილოელი ოკუპანტის მისამართით, რომ აშშ-ი კვლავაც რჩება საქართველოსთვის უმნიშვნელოვანეს სტრატეგიულ პარტნიორად, - ეს განცხადება „ქართული ოცნების" დეპუტატმა ალუდა ღუდუშაურმა ამერიკელი კონგრესმენების ვიზიტთან დაკავშირებით გააკეთა.

ღუდუშაურის თქმით, საქართველოში კონგრესმენების ვიზიტი კიდევ ერთხელა ხაზს უსვამს, რომ საქართველო ამერიკის შეერთებული შტატებისთვის არის უმნიშვნელოვანესი პარტნიორი.

„საქართველოს ხელისუფლება მჭიდრო კონტაქტშია ამერიკის შეერთებულ შტატებთან. ამ ნაბიჯით კიდევ ერთი ხაზგასმა ხდება, რომ მკაფიოდ საქართველოს გზა არის ურყევი და ეს ევროატლანტიკურ სივრცეში და სტრუქტურებში საბოლოოდ ჩვენი სრულფასოვანი გაწევრიანებაა - იმ დიდ ოჯახში დაბრუნება, რომელსაც ევროპული ოჯახი ჰქვია. გეოპოლიტიკური მდგომარეობა, რომელიც კავკასიაში ბოლო პერიოდში შეიცვალა, ეს ვიზიტი მკაფიო მხარდაჭერა და გამოხატულებაა", - განაცხადა ალუდა ღუდუშაურმა.

მისივე ინფორმაციით, შეხვედრებისას მსჯელობა იქნება ქვეყნის შიდაპოლიტიკურ სიტუაციაზე.

„მათთვის კიდევ ერთხელ ცხადი გახდება „ნაციონალური მოძრაობის" დესტრუქციული ნაბიჯები. „ნაციონალური მოძრაობა“ ძალიან უხერხულ მდგომარეობაში ჩავარდება, როდესაც ჩვენი ამერიკელი პარტნიორები ადგილზე თვითონ დაინახავენ იმ მდგომარეობას, რომელშიც „ნაციონალური მოძრაობაა“ - ეს არის დესტრუქცია და ქვეყნის განვითარებაზე არაორიენტირებული ნაბიჯები, ასევე იმ ინსტიტუციებზე შეტევა, რომელმაც ჩვენი ქვეყანა უნდა გააძლიეროს. შარლ მიშელის დოკუმენტზე ხელმოწერაზე უარით „ნაციონალურმა მოძრაობამ“ პრაქტიკულად გაიფორმა მდგომარეობა, რომ ის არის ერთადერთი პირდაპირი დასაყრდენი რუსეთის ფედერაციისთვის", - აღნიშნა ალუდა ღუდუშაურმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!