ლევან იოსელიანი - მონიტორინგის კომიტეტის დელეგაციის წევრებთან საარჩევნო და სასამართლო რეფორმაზე ვისაუბრე, ვუთხარი, რომ სასამართლო რეფორმის განხორციელება მარტივი არ იქნება

დელეგაციის წევრებს ვუთხარი, რომ სასამართლო რეფორმის განხორციელება არ იქნება მარტივი - „ქართული ოცნების“ დამოკიდებულება ამ საკითხზე ისეთი შემხვედრი არ არის, როგორიც იყო საარჩევნო რეფორმის შემთხვევაში,- ამის შესახებ "მოქალაქეების" წევრმა, ვიცე- სპიკერმა ლევან იოსელიანმა ჟურნალისტებთან ევროპის საბჭოს საპარლამენტო ასამბლეის მონიტორინგის კომიტეტის დელეგაციასთან შეხვედრის შემდეგ განაცხადა.

იოსელიანის თქმით, დელეგაციის წევრებმა კითხვები დასვეს სასამართლოს, საარჩევნო რეფორმასთან დაკავშირებულ საკითხებზე, ასევე აინტერესებდათ, პოლიტიკურ კრიზისთან დაკავშირებით რა ხდება დღეს და როგორ დასრულდა ის.

"დღეს მე წამოვჭერი ორი საკითხი, რომელიც ეხებოდა საარჩევნო და სასამართლო რეფორმას. ორივე საკითხზე მივაწოდე ინფორმაცია. მოვუყევი განვლილი გზა საარჩევნო რეფორმასთან დაკავშირებით და გავაცანი, როგორ წარმომიდგენია მე სასამართლო რეფორმის განხორციელება, ვუთხარი, რომ ეს არ იქნება მარტივი, რადგან ჩვენ ვხედავთ „ქართული ოცნების“ დამოკიდებულებას ამ საკითხზე, ჩემი აზრით, ის ისეთი შემხვედრი არ არის, როგორიც იყო საარჩევნო რეფორმის შემთხვევაში. ამიტომ მე მათ ავუხსენი, რომ ეს იქნება რთული. შარლ მიშელის დოკუმენტით გათვალისწინებულია ჟან მონეს დიალოგი, სადაც ვფიქრობ, რომ ეს საკითხი შეიძლება იყოს დიალოგის ნაწილი. მათი მხრიდან რაიმე კომენტარი არ ყოფილა, ისინი, როგორც წესი, საბოლოო ჯამში ასახავენ ანგარიშში ამას,"- განაცხადა ლევამ იოსელიანმა.

ცნობისათვის, ევროპის საბჭოს საპარლამენტო ასამბლეის მონიტორინგის კომიტეტის დელეგაცია პარლამენტში შეხვედრებს მართავს. ისინი უკვე შეხვდნენ პარლამენტის თავმჯდომარეს კახა კუჭავას, ასევე ევროპის საბჭოს საპარლამენტო ასამბლეაში საქართველოს დელეგაციის წევრებს. საბჭოს საპარლამენტო ასამბლეის მონიტორინგის კომიტეტის წევრები ახლა იურიდიულ საკითხთა კომიტეტის თავმჯდომარე ანრი ოხანაშვილთან მართავენ შეხვედრას, ხვალ ისინი საპარლამენტო ოპოზიციას და პარტია „ქართული ოცნების“ თავმჯდომარეს ირაკლი კობახიძეს შეხვდებიან.

დელეგაცია საქართველოში ორდღიანი ვიზიტით იმყოფება, ამ ხნის განმავლობაში ისინი საქართველოში არსებული მდგომარეობის შესახებ ინფორმაციას მოისმენენ, რის შემდეგაც ქვეყნის შესახებ ანგარიშს მოამზადებენ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში