საქართველოს ახალგაზრდულ ორგანიზაციათა საბჭოს პროექტ „ახალგაზრდობა მნიშვნელოვანიას“ ფარგლებში, პროექტის მენეჯერთა გადამზადების შემდგომი ეტაპი - პრაქტიკის ფაზა, პროექტის მონაწილეებმა მთელი საქართველოს მასშტაბით განახორციელეს.
როგორც ორგანიზაციაში აცხადებენ, პროექტის მენეჯერთა პრაქტიკის ფაზა მოიცავდა მონაწილეების მიერ, ლოკალური აქტივობების განხორციელებას თავიანთ თემში. პროცესში მონაწილეებმა „ახალგაზრდობა მნიშვნელოვანიას“ ფარგლებში, თერიული გადამზადების დროს მიღებული ცოდნა და უნარები გამოიყენეს და აქტივობები უკვე დამოუკიდებლად, ახალგაზრდულ ორგანიზაციათა საბჭოს მხარდაჭერით განახორციელეს.
„აქტივობები მრავალფეროვანი თემატიკის იყო, განხორციელდა როგორც საგანმანათლებლო ტრეინინგები ახალგაზრდული მიმართულებით, ისე კულტურული თუ სპორტული აქტივობები, როგორებიცაა Street ART - ი, გარემოს დასუფთავება, ცნობიერების ამაღლების კამპანიები და ა.შ.“ -აცხადებენ ორგანიზაციაში.
ორგანიზაციის ინფორმაციით, პროექტი „ახალგაზრდობა მნიშვნელოვანია“ სსიპ ახალგაზრდობის სააგენტოს მიერაა დაფინანსებული.