მამუკა ხაზარაძე კობა გვენეტაძეს - თქვენ შეეხეთ ჩვენს საქმეს, მხოლოდ ამიტომ ხართ გასაგდები ამ თანამდებობიდან, დაფარეთ ინფორმაცია, თქვენმა სიჩუმემ 12-წლიან საქმეზე გაგვიშვა

თქვენ შეეხეთ ჩვენს საქმეს, მხოლოდ ამიტომ ხართ გასაგდები ამ თანამდებობიდან, დაფარეთ ინფორმაცია, რომ თქვენი კომპეტენციის ფარგლებში შემოწმებული დასკვნების საფუძველზე არანაირი ფულის „გათეთრება“ იქ არ ყოფილა, თქვენმა და თქვენი თანამშრომლების სიჩუმემ 12-წლიან საქმეზე გაგვიშვა, - ასე მიმართა ფრაქცია „ლელო - პარტნიორობა საქართველოსთვის“ ლიდერმა მამუკა ხაზარაძემ საფინანსო-საბიუჯეტო კომიტეტის სხდომაზე ეროვნული ბანკის პრეზიდენტს კობა გვენეტაძეს.

მისივე თქმით, კობა გვენეტაძემ „თიბისი ბანკის“ საქმეზე პოლიტიკური დავალება შეასრულა და პოლიტიკური დევნის ნაწილი გახდა.

„თქვენ თუ დააკვირდით ბატონო კობა, არც მე და არც ბატონ ბადრის შეგნებულად არ გვიხსნებია, ჩვენი საქმე სასამართლოში, ვინმეს არ ჩაეთვალა, რომ ჩვენ აქ თქვენ კითხვას გისვამთ იმიტომ, რომ შეასრულეთ პოლიტიკური დავალება და პოლიტიკური დევნის ნაწილი გახდით ჩემსა და ბადრის წინაშე. შეგნებულად არ შევეხეთ ამ თემას და არც ვაპირებდით. რადგანაც ახსენეთ, თქვენ ხართ პასუხისმგებელი მარტო ამის გამო, როგორც დამოუკიდებელი ინსტიტუტის პრეზიდენტი, რომ არ გამოხვედით და საჯაროდ არ თქვით - ბადრი ჯაფარიძისა და მამუკა ხაზარაძის საქმეზე, თქვენივე დეპარტამენტის მიერ შემოწმებული დოკუმენტების მიხედვით, არანაირი ფულის გათეთრება არ ყოფილა. 2008, 2009 და 2021 წელი, ფულის გათეთრების დეპარტამენტის დასკვნა, ერთხელ არ გამოსულხართ და არ დაგიცვამთ ჩვენი უფლებები, ადამიანური მდგომარეობიდან გამომდინარე თუნდაც, რომ გეთქვათ, არანაირი ფულის გათეთრება არ ყოფილა. ამას თქვენივე შემოწმება ადასტურებს, თქვენივე თანამშრომლები სასამართლოში მიყვანილები, ჩვენებებში ამბობდნენ რომ არ იყო „გათეთრება“.

თქვენ შეეხეთ ამ თემას, ჩვენ არ შევხებივართ, მხოლოდ ამიტომ ხართ გასაგდები ამ თანამდებობიდან. თქვენ დარღვიეთ ადამიანობის, თქვენი თანამშრომლის და დეპარტამენტის გატარებული სამუშაოს წესები. დაფარეთ ეს ინფორმაცია, რომ თქვენი კომპეტენციის ფარგლებში შემოწმებული დასკვნების საფუძველზე არნაირი ფულის გათეთრება იქ არ ყოფილა და 12- წლიან საქმეზე გაგვიშვით, თქვენმა და თქვენი თანამშრომლების სიჩუმემ. ახლა გამოდიხართ და ინფლაციაზე გვესაუბრებით, როგორ გიძლებთ ნამუსი, რომ გამოდიხართ და ტრანზაქციაზე საუბრობთ?! თქვენ ხართ პროკურატურის ნაწილი, „ქართული ოცნების“, ბიძინა ივანიშვილის, გახარიას ნაწილი“, - განაცხადა მამუკა ხაზარაძემ.

მან განცხადების გაკეთების შემდეგ დარბაზი დატოვა და აღნიშნა, რომ კობა გვენეტაძის პასუხი მისთვის საინტერესო აღარ იქნებოდა.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა