„საქართველოს მედიატორთა ასოციაციის“ მედიატორთა ერთიან რეესტრს დღითიდღე ემატება ახალი მედიატორები, რაც წინაპირობაა იმისა, რომ კიდევ უფრო ფართოვდება მედიატორობის მსურველ პირთა წრე და პროფესიისადმი ინტერესი იზრდება. ამის შესახებ „ინტერპრესნიუსს“ „საქართველოს მედიატორთა ასოციაციიდან“ აცნობეს.

ასოციაციის თავმჯდომარე ირაკლი ყანდაშვილი ავრცელებს ინფორმაციას, რომ 1 ივნისს, „საქართველოს მედიატორთა ასოციაციამ“ დაიწყო მედიატორთა სერტიფიცირების პროგრამის წესის თანახმად დაინტერესებულ პირთა პრაქტიკულ უნარ-ჩვევებში შემოწმების პროცესი.

„საქართველოს მედიატორთა ასოციაცია“ წარმატებებს უსურვებს თითოეულ მედიატორობის მსურველ პირს და პროფესიაში წარმატებით შემოსვლას უსურვებს.

„საქართველოს მედიატორთა ასოციაცია“ მოხარულია, რომ პროფესიისადმი იზრდება სანდოობა და საზოგადოების ინტერესი მიიღონ ესოდენ პრესტიჟული და საპასუხისმგებლო სტატუსი პროფესია მედიატორის“, - ნათქვამია ინფორმაციაში.