თამარ კორძაია - აბსურდამდე დავიდა „ქართული ოცნების" ლოგიკა, ახლა იმასაც კი ამტკიცებენ, რომ გახარია „ნაციონალურ მოძრაობასთანაა“ შეკრული, ამის იქით მათი აზროვნება არ მიდის

ნამდვილად ვისურვებდი ადამიანის უფლებათა კომიტეტში ყოფნას, მაგრამ ვფიქრობ, უფრაქციო პარლამენტის წევრი უნდა ვიყო , - ამის შესახებ "რესპუბლიკური პარტიის" წევრმა, თამარ კორძაიამ „პალიტრანიუსის“ გადაცემაში „დღის ნიუსრუმი“ განაცხადა.

მან აღნიშნა, რომ ეს მეტ თავისუფლებას მისცემს გადაწყვეტილების მიღების პროცესში.

„ვფიქრობ, ამ ეტაპზე ასე უნდა გავაკეთოთ, ეს მეტ თავისუფლებას მოგვცემს გადაწყვეტილების მიღების პროცესში. ყველა იმ აქტუალურ თემაზე ვისაუბრებთ, რაზეც ყოველთვის საუბრობდა „რესპუბლიკური პარტია“, სეკულარიზმზე, თვითმმართველობის რეფორმაზე, ადამიანის უფლებებზე, მათ შორის ლგბტ თემის უფლებებზე, ასევე, შშმ პირთა უფლებების დაცვაზე და მათი სტანდარტის აწევაზე“,-განაცხადა კორძაიამ.

მან ამნისტიის კანონპროექტზეც ისაუბრა და განაცხადა, რომ აღნიშნულ საკითხთან მიმართებით „ქართული ოცნება“ ზღვარზე გადის.

„ქართული ოცნების“ ლუსტრაცია, „კლანის“ მიერ მიღებული გადაწყვეტილებები, რომლებიც თითქოს არ ემორჩილებიან ხელისუფლებას და სინამდვილეში, გარიგებაში არიან, ისევე როგორც ზოგიერთი სასულიერო პირი, თავის შედეგს გამოიღებს. „ქართული ოცნება“ პოლიტიკურად ნამდვილად მიიღებს საკადრის პასუხს, დარწმუნებული ვარ, ის ამ ბრძოლაში დამარცხდება. თვითნებობა ამ ქვეყანაში არავის გასვლია“, - განაცხადა კორძაიამ.

მისი შეფასებით, ხელისუფლება აგონიაშია და უკვე კონტროლი დაკარგეს.

„ახლა კობახიძის ერთადერთი ფუნქცია არის აგრესია შეინარჩუნოს „ნაციონალურ მოძრაობასთან“ მიმართებით, რადგან ჰგონია, ამით საკუთარ ამომრჩეველს კვებავს. ისეთ აბსურდამდე დავიდა მათი ლოგიკა, ახლა იმასაც კი ამტკიცებენ , რომ გახარია „ნაციონალურ მოძრაობასთანაა“ შეკრული. ამის იქით მათი აზროვნება არ მიდის“,-განაცხადა კორძაიამ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა