ბადრი ჯაფარიძე ეკონომიკური ზრდის მაჩვენებელზე - როდესაც კატასტროფული ვარდნა გქონდა, იქიდან აკეთებ გაზომვას და ამით ამაყობ, ეს თვალებში ნაცრის შეყრაა

როდესაც შარშან კატასტროფული ეკონომიკური ვარდნა გქონდა და იქიდან აკეთებ გაზომვას, ეს უბრალოდ, ან უცოდინარობაა ან თვალებში ნაცრის შეყრა, - ამის შესახებ „ლელოს“ ერთ-ერთმა ლიდერმა ბადრი ჯაფარიძემ „პალიტრანიუსის“ გადაცემაში „360 გრადუსი“ განაცხადა.

როგორც ჯაფარიძე აღნიშნავს, შეფასება, რომლის თანახმადაც აპრილში ეკონომიკურმა ზრდამ 44.8 პროცენტი შეადგინა, „არის ეფექტი, როდესაც ნულიდან ითვლი“.

„მოდით, ფსევდოზრდაზე ნუ ვისაუბრებთ. მინდა აგიხსნათ, საიდან მომდინარეობს ეს ზრდა. როდესაც გაქვს უზარმაზარი ვარდნა და შემდეგ, პრაქტიკულად ისეთი დავარდნიდან იწყებ ათვლას და ამით ამაყობ, ეს არის თვალებში ნაცრის შეყრა. მგონია, რომ ყველაზე კარგი ინდიკატორია როგორ გრძნობენ ამას მოქალაქეები. თქვენ კარგად იცით, რომ ეს გრძნობა ძალიან მწვავეა, ჩვენი მოქალაქეები ბოლო წლებია გრძნობენ სრულიად უპასუხისმგებლო ეკონომიკური პოლიტიკის შედეგებს. ასევე არაეფექტური ეროვნული ბანკის და ფინანსური სექტორის მმართველობას“, - აღნიშნა ჯაფარიძემ.

ცნობისთვის, საქართველოს სტატისტიკის ეროვნული სამსახურის აღმასრულებელი დირექტორის გოგიტა თოდრაძის ინფორმაციით, წინასწარი შეფასებით,2021 წლის აპრილში წინა წლის შესაბამის პერიოდთან შედარებით, ეკონომიკურმა ზრდამ 44.8 პროცენტი შეადგინა, ხოლო 2021 წლის პირველი ოთხი თვის საშუალო მაჩვენებელი 8.1 პროცენტია.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო