ამერიკელი სენატორები, ჯინ შაჰინი და რობ პორტმანი საოკუპაციო ხაზთან მდებარე სოფელ ზემო ნიქოზს სტუმრობენ, - ამის შესახებ ინფორმაციას საქართველოში ევროკავშირის სადამკვირვებლო მისია ავრცელებს.
მათივე ინფორმაციით, სენატორებს მიაწოდეს ინფორმაცია უსაფრთხოების მხრივ შექმნილ სიტუაციაზე და ყურადღება გაამახვილეს ე.წ. ბორდერიზაციაზე - მავთულხლართებზე, სამეთვალყურეო საგუშაგოებსა და „სასაზღვრო ნიშნებზე“.
შეგახსენებთ, ამერიკელი სენატორები ჯინ შაჰინი და რობ პორტმანი საქართველოში დღეს ჩამოვიდნენ.