აფხაზეთის დევნილთა მინისტრი ლევან თევზაია გაერო-ს სახლში, გაერო-ს განვითარების პროგრამების წარმომადგენლებს შეხვდა.
როგორც აფხაზეთის დევნილთა სამინისტროს მიერ გავრცელებულ ინფორმაციაშია აღნიშნული, ლევან თევზაიამ ადამიანის უფლებების, გენდერული თანასწორობისა და სოციალური ინკლუზიის მიმართულების ხელმძღვანელს ლელა აქიაშვილსა და პროექტის კოორდინატორს (EU4Dialogue) მარიამ ბეგიაშვილს, ამ მიმართულებით სამინისტროს ხედვა და ინიციატივები გააცნო.
შეხვედრისას, გენდერული თანასწორობის საკითხებთან მიმართებაში არსებულ საჭიროებებსა და გამოწვევებზე იმსჯელეს.
ასევე, მხარეებმა, თანამშრომლობის გეგმები დასახეს და სამომავლო პარტნიორობის შესაძლებლობები განიხილეს,
-აღნიშნულია ინფორმაციაში.