დავით ზალკალიანი დარწმუნებულია, რომ ამერიკელი სენატორების საქართველოში ვიზიტის შემდეგ ქვეყანას ბევრი პრაქტიკული ხელშესახები შედეგი ექნება

საგარეო საქმეთა მინისტრი დავით ზალკალიანი დარწმუნებულია, რომ ამერიკელი სენატორების საქართველოში ვიზიტის შემდეგ ქვეყანას ბევრი პრაქტიკული ხელშესახები შედეგი ექნება. ამის შესახებ ზალკალიანმა მედიას სენატორების ვიზიტის შეფასებისას განუცხადა.

როგორც მან აღნიშნა, სენატორების ვიზიტი არის დასტური იმისა, რომ საქართველოს ამერიკის შეერთებული შტატების მხრიდან ორპარტიული მხარდაჭერა აქვს.

„ძალიან მნიშვნელოვანია სენატის დელეგაციის ვიზიტი. ეს არის კიდევ ერთი დასტური ორპარტიული მხარდაჭერის, რომელიც საქართველოს აქვს. მოგეხსენებათ, რომ ამერიკასთან ჩვენი სტრატეგიული პარტნიორობა უმაღლეს ნიშნულზეა, რისი დასტურიც არის მხარდაჭერა როგორც საკანონმდებლო, ისე აღმასრულებელი შტოს მხრიდან. ჩვენ საკმაოდ დიდი ხნის წინ გვქონდა საქართველოში სენატორების ვიზიტი, სენატორებიც, რომლებიც მართლაც ჩემპიონები არიან საქართველოს მხარდაჭერაში. არაერთი რეზოლუციაა მათი მხრიდან ინიცირებული. ძალიან ბევრი საკითხი, მათ შორის რეგიონალური უსაფრთხოების თემატიკა, რომელიც მოითხოვს ჩვენს მუდმივ კოორდინაციას ჩვენს მთავარ სტრატეგიულ პარტნიორთან მათ შორის სენატორებთან, ასევე, ჩვენი ევროპული და ევროატლანტიკური ინტეგრაცია. ამერიკის ლიდერობის და მხარდაჭერის გარეშე ჩვენი ნატო-ში ინტეგრაცია რომ რთული პროცესია, მგონი, ამაზე ყველა ვთანხმდებით. მნიშვნელოვანია, რომ ჩვენ სენატის მხრიდან გვქონდეს მხარდაჭერა. ისეთი გავლენიანი სენატორების მხარდაჭერა, რომლებიც დღეს თბილისში არიან, ეს იქნება საწინდარი იმისა, რომ ჩვენ ამის მოლოდინი გვექნება მომავალშიც. რა თქმა უნდა, ბევრ თემას შევეხებით, ქვეყანაში მიმდინარე პროცესებს, რეფორმებს. ამერიკა მხარს უჭერს რეფორმების შეუქცევადობას, მის განგრძობითობას. დარწმუნებული ვარ, ამ ვიზიტის შემდეგ, მომავალში, ბევრი პრაქტიკული ხელშესახები შედეგი გვექნება“, - განაცხადა ზალკალიანმა.

ცნობისთვის, ამერიკელი სენატორები ჯინ შაჰინი და რობ პორტმანი საქართველოში არიან. სენატორები შეხვდებიან პრემიერს, საგარეო საქმეთა მინისტრს, პარლამენტის თავმჯდომარეს, სამოქალაქო საზოგადოების წარმომადგენლებსა და ოპოზიციას.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა