ირაკლი შოთაძე PACE-ს მონიტორინგის კომიტეტის წევრებს შეხვდა

საქართველოს გენერალური პროკურორი, ირაკლი შოთაძე, ევროპის საბჭოს საპარლამენტო ასამბლეის მონიტორინგის კომიტეტის წევრებს შეხვდა.

პროკურატურის ინფორმაციით, ირაკლი შოთაძემ, დელეგაციის წევრებს საქართველოს პროკურატურაში განხორციელებული რეფორმები და მიმდინარე პროექტები გააცნო. ასევე, საუბარი შეეხო საქართველოს პროკურატურის განვითარების პრიორიტეტულ მიმართულებებს და სხვა მნიშვნელოვან საკითხებს.

„გენერალურ პროკურატურაში გამართულ შეხვედრას, გენერალური პროკურორის მოადგილეები, საერთაშორისო ურთიერთობებისა და სამართლებრივი უზრუნველყოფის დეპარტამენტის ხელმძღვანელი, PACE-ს მონიტორინგის კომიტეტის წევრები ტიტუს კორლატეანი - რუმინეთის „სოციალისტების ჯგუფი“, კლოდ კერნი - საფრანგეთის „ლიბერალებისა და დემოკრატების ალიანსი ევროპისათვის“, ბას კლეინი - ევროპის საბჭოს მონიტორინგის კომიტეტის სამდივნოს უფროსის მოადგილე და ევროპის საბჭოს საპარლამენტო ასამბლეაში საქართველოს დელეგაციის მდივანი ალექსანდრე რამიშვილი ესწრებოდნენ.

ევროპის საბჭოს მონიტორინგის მექანიზმების მიზანს, საქართველოში დემოკრატიის, ადამიანის უფლებათა დაცვის და კანონის უზენაესობის განმტკიცება წარმოადგენს“,- აღნიშნავენ უწყებაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა