დევიდ გარეტი საქართველოს ტექნიკური უნივერსიტეტის იუბილეზე დაუკრავს

გერმანელი მუსიკოსი, მევიოლინე დევიდ გარეტი საქართველოს ტექნიკური უნივერსიტეტის 100 წლისთავისადმი მიძღვნილი ღონისძიებების ფარგლებში, საქართველოში კონცერტს გამართავს. ამის შესახებ ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.

მათივე ცნობით, დევიდ გარეტი ქართველი მაყურებლის წინაშე, თბილისში, 2022 წლის 22 მაისს წარსდგება.

ინფორმაციაში აღნიშნულია, რომ ცნობილი მუსიკოსი საქართველოს ტექნიკური უნივერსიტეტის სოციალურ საკითხთა, სპორტისა და კულტურის დეპარტამენტის და საქართველოს კულტურის პალატის ხელმძღვანელმა დავით ოქიტაშვილმა მოიწვია.

„დევით გარეტი საქართველოში პირველად 2019 წელს ჩამოვიდა და 13 სექტემბერს გრანდიოზული კონცერტი გამართა. მას ძალიან უყვარს საქართველო და ქართველი მაყურებელი. ხშირად მიკავშირდება მისი პროდიუსერი და მეკითხება საქართველოში მიმდინარე პროცესების შესახებ. ჩვენი ურთიერთობა პანდემიის პერიოდში კიდევ უფრო გაღრმავდა. ერთ-ერთი საუბრისას ვუთხარი, რომ საქართველოს ტექნიკური უნივერსიტეტის 100 წლის იუბილე, 2022 წელს, გრანდიოზული ღონისძიებებით უნდა აღინიშნოს, მივაწოდე ინფორმაცია სამხრეთ კავკასიის მასშტაბით ჩვენი პირველი და უძველესი საინჟინრო-ტექნოლოგიური უმაღლესი სკოლის, მისი ისტორიისა და შთამბეჭდავი სახელოვნებო ტრადიციების შესახებ. ისიც ვკითხე, ხომ არ ჩამოვიდოდა დევიდ გარეტი კონცერტით თბილისში. რამდენიმე დღის წინ დამიდასტურეს, რომ გარეტი საქართველოს ტექნიკური უნივერსიტეტის იუბილესადმი მიძღვნილ კონცერტს თბილისში, მაისის თვეში გამართავს. სასიხარულოა, რომ ისეთი ვირტუოზი, როგორიც დევიდ გარეტია, გადატვირთული გრაფიკის მიუხედავად, საქართველოში ჩამოვა და ჩვენი უნივერსიტეტის საიუბილეო ღონისძიებების ფარგლებში კონცერტს გამართავს“, - აცხადებს დავით ოქიტაშვილი.

როგორც გავრცელებულ ინფორმაციაშია ნათქვამი, საქართველოს ტექნიკურ უნივერსიტეტში 100 წლისთავისადმი მიძღვნილი ღონისძიებების ფარგლებში, რამდენიმე დღის წინ პირველი ოფიციალური გაფართოებული საინფორმაციო შეხვედრა გაიმართა, რომელსაც უნივერსიტეტის რექტორის, ადმინისტრაციის, სამეცნიერო-აკადემიური წრეებისა და სტუდენტების გარდა, საქართველოს განათლებისა და მეცნიერების მინისტრის მოადგილე ნუნუ მიცკევიჩი, საქართველოს პარლამენტის თავმჯდომარის მოადგილე ავთანდილ ენუქიძე, პარლამენტის განათლებისა და მეცნიერების კომიტეტის თავმჯდომარე შალვა პაპუაშვილი, კომიტეტის თავმჯდომარის მოადგილე თამარ ტალიაშვილი, კულტურის კომიტეტის თავმჯდომარე ელისო ბოლქვაძე, სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი, ასევე, კულტურისა და სპორტის ცნობილი წარმომადგენლები ესწრებოდნენ, რომელთა მოღვაწეობა საქართველოს ტექნიკურ უნივერსიტეტს უკავშირდება.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს