ვახო სანაიაზე თავდასხმის საქმეზე დღეს ორი პოლიციელი დაიკითხა

თბილისის საქალაქო სასამართლოში ჟურნალისტ ვახო სანაიაზე თავდასხმაში ბრალდებულების სასამართლო პროცესი დასრულდა.როგორც პროკურორმა ხატია ყანდიაშვილმა განაცხადა, დღევანდელ სხდომაზე 2 პოლიციელი დაიკითხა.

„ბრალდების მხარე აგრძელებს მტკიცებულებების გამოკვლევას. სასამართლო სხდომაზე 2 მოწმე, კერძოდ, საპატრულო პოლიციის წარმომადგენლები წარმოვადგინეთ, რომლებიც არ არიან ფაქტის მოწმეები და გამოძახების საფუძველზე მოვიდნენ. ასევე ვიდეორეგისტრატორის ჩანაწერები გამოვიკვლიეთ. ვიდეოჩანაწარი დაზარალებულ ვახტანგ სანაიას, როგორც გამოძიების ეტაპზე ისე სასამართლოში მიცემულ ჩვენებასთან სრულიად შესაბამისია.

სამეთვალყურეო ჩანაწერებში სამივე ბრალდებულის ქმედებებია ასახული, თუმცა უშუალოდ დარტყმის მომენტი და დაზარალებულის მიმართ განხორციელებული ფიზიკური ძალადობის ფაქტი არ არის ასახული, რადგან ეს ხდება ავტომობილის მარჯვენა მხარეს და რასაც არ ფარავს ვიდეორეგისტრატორის არეალი”, - განაცხადა ყანდიაშვილმა.

ცნობისთვის, ჟურნალისტ ვახო სანაიას 25 თებერვალს თავს დაესხნენ. თავდასხმის ფაქტზე დაკავებულ სამ პირს - სულიკო საყევარაშვილს, გიორგი სახელაშვილსა და ვაჟა გიგაურს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა. ისინი სამართალდამცავებმა ვახო სანაიას მიმართ, მისი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე დააკავეს.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი