ირაკლი კობახიძე მამუკა ხაზარაძის წინადადებაზე - თუ სურთ არაპოლიტიკოსი კანდიდატის წარდგენა, წარადგინონ - თუ იქნება ერთი კანდიდატი, უკეთესია ჩვენთვის, თუ იქნება რამდენიმე, ესეც კარგი ჩვენთვის

მერი, არამარტო საქართველოს კანონმდებლობით, არამედ თავისი არსითაც, არის პოლიტიკური თანამდებობის პირი, აქედან გამომდინარე, ეს ლოგიკა ცოტა გაუგებარია, - ამის შესახებ პარტიის "ქართული ოცნების" თავმჯდომარე ირაკლი კობახიძემ მამუკა ხაზარაძის ინიციატივასთან დაკავშირებით განაცხადა.

მისი თქმით, "ქართულმა ოცნებამ" ოპოზიცია პირველივე ტურში უნდა დაამარცხოს. რაც შეეხება ხაზარაძის ინიციატივას, კობახიძე აცხადებს, რომ ყველას აქვს თავისი არჩევანი.

"თუ მათ სურთ არაპოლიტიკოსი კანდიდატის წარდგენა, შეუძლიათ წარადგინონ, მაგრამ რაც ეხება ზოგად ლოგიკას, მერი, განსაკუთრებით დედაქალაქის მერი, ეს არის პოლიტიკოსი. თუ იქნება ერთი კანდიდატი, ეს უკეთესია ჩვენთვის, თუ იქნება რამდენიმე კანდიდატი, ესეც არის კარგი ჩვენთვის", - განაცხადა კობახიძემ.

შეგახსენებთ, რომ „ლელოს“ ლიდერმა თბილისის მერობის კანდიდატთან დაკავშირებით გუშინ განცხადება გააკეთა.

„თბილისის მერი არ უნდა იყოს არცერთი პარტიის წარმომადგენელი, ის უნდა იყოს მეურნე ადამიანი, - ამის შესახებ "ლელოს" ლიდერმა მამუკა ხაზარაძემ განაცხადა.

მამუკა ხაზარაძე მიმართავს ყველა ოპოზიციონერ ლიდერს და პარტიას, რომ ამ იდეის გარშემო დაიწყონ ფიქრი.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა