მაქსიმალურად საჯარო და გამჭვირვალე უნდა იყოს ყველაფერი, რადგან აქ საქმე ეხება ბავშვთა უფლებებს,- ამის შესახებ პარტია „ქართული ოცნების" თავმჯდომარე ირაკლი კობახიძემ ჟურნალისტებთან ნინოწმინდის ბავშვთა პანსიონატთან დაკავშირებით განაცხადა.
როგორც მან აღნიშნა, ამ საკითხთან დაკავშირებით, ინფორმაციის საჯაროობისთვის სახელმწიფო ყველაფერს გააკეთებს.
„დაუშვებელია, რომ თუნდაც, მინიმალურ დონეზე ვინმემ ისაუბროს გამჭვირვალეობის დეფიციტზე. გამჭვირვალე და საჯარო უნდა იყოს ყველაფერი, რაც ბავშვებს უკავშირდება. აუცილებლად ყველაფერი გაკეთდება იმისთვის, რომ როგორც ყველა სახელმწიფო ინსტიტუტს, ასევე საზოგადოებას ჰქონდეს მაქსიმალური ინფორმაცია ყველაფერთან დაკავშირებით",- განაცხადა კობახიძემ.