განათლებისა და მეცნიერების კომიტეტთან არსებული სამეცნიერო-საკონსულტაციო საბჭოების შემადგენლობა გაიზარდა
განათლებისა და მეცნიერების კომიტეტის სხდომაზე სამეცნიერო-საკონსულტაციო საბჭოების შემადგენლობა დაზუსტდა.
ამის შესახებ ინფორმაციას საქართველოს პარლამენტის პრესსამსახური ავრცელებს.
„გავითვალისწინეთ კომიტეტის წევრების რჩევები და საბჭოს შემადგენლობას დავამატეთ სტუდენტები", - განაცხადა უმაღლესი განათლებისა და მეცნიერების სამეცნიერო-საკონსულტაციო საბჭოს ხელმძღვანელმა გიორგი ამილახვარმა.
სკოლამდელი და ზოგადი განათლების სამეცნიერო-საკონსულტაციო საბჭოს ხელმძღვანელის, თამარ ტალიაშვილის ინფორმაციით, საბჭოში შემავალი ორგანიზაციების რიცხვი მნიშვნელოვნად გაიზარდა.
კომიტეტმა მხარი დაუჭირა „უმაღლესი განათლების შესახებ" კანონში შესატან ცვლილებას, რომელიც განათლების ხარისხის განვითარების ეროვნული ცენტრის მიერ 2007-2008 სასწავლო წლის დაწყებამდე შინაგან საქმეთა სამინისტროს აკადემიის კურსდამთავრებულებზე გაცემული დიპლომების აღიარებას ითვალისწინებს.
