ამ ხელისუფლების პირობებში, 20 ივნისი უკვე ამნისტირებულია, ამას კანონი არ სჭირდება. 2 წელი ჰქონდა საქართველოს პროკურატურას, მაგრამ მხოლოდ 3 ადამიანს წაუყენა ბრალი",-ამის შესახებ „ლელოს" დეპუტატმა ანა ნაცვლიშვილმა ამნისტიის კანონპროექტზე საუბრისას განაცხადა.

როგორც ნაცვლიშვილი აღნიშნავს, სანამ მართლმსაჯულების ინსტიტუტები არ ტრანსფორმირდება, „კანონის თუ კანონის გარეშე დაუსჯელობა რეალობა იქნება".

„მე ვფიქრობ, რომ დაუსჯელობის პრობლემა ძალიან სერიოზული პრობლემაა. სამწუხაროდ, გაცილებით ფართოა თავისი მასშტაბით და ხანგრძლივობით, ვიდრე 20 ივნისი. დაუსჯელობას საქართველოში სერიოზული პრეისტორია აქვს. ეს არის ერთიანი ბრძოლა იმის საწინააღმდეგოდ, რომ სამართალდამცავი ორგანოები ფეხქვეშ თელავდნენ პოლიტიკური დავალების შესრულებისას ადამიანის უფლებებს და ეს რჩებოდათ, როგორც არაფერი მომხდარა. ეს უზარმაზარი გამოწვევაა, ამ გამოწვევას თვალს თუ არ გაუსწორებს ქვეყანა და მიიღებს კანონებს, რომელიც მწვანე შუქს აუნთებს დაუსჯელობას, ეს მათ დიდიხანი ვერ გაიყვანთ სამშვიდობოს. ამ ხელისუფლების პირობებში, 20 ივნისი უკვე ამნისტირებულია, ამას კანონი არ სჭირდება. 2 წელი ჰქონდა საქართველოს პროკურატურას, მაგრამ მხოლოდ 3 ადამიანს წაუყენა ბრალი. ეს ნიშნავს რომ, მათ ეს მძიმე ამბები უკვე ამნისტირებული აქვთ, რაც ნიშნავს იმას, რომ ვიდრე მართლმსაჯულების ინსტიტუტები არ ტრანსფორმირდება ამ ქვეყანაში, კანონის თუ კანონის გარეშე დაუსჯელობა იქნება რეალობა",- აღნიშნავს ნაცვლიშვილი.