გენადი არველაძე - UNWTO - ს აღმასრულებელი საბჭოს წევრობა დაეხმარება საქართველოს,  კიდევ უფრო მეტად აღიარებული ქვეყანა იყოს

საქართველო გაეროს მსოფლიო ტურიზმის ასოციაციის აღმასრულებელი საბჭოს წევრად აირჩიეს. ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.

ეკონომიკისა და მდგრადი განვითარების მინისტრის მოადგილე გენადი არველაძის განცხადებით, საქართველოს არჩევას საქართველოს სხვადასხვა უწყებების, მათ შორის, ეკონომიკისა და მდგრადი განვითარებისა და საგარეო საქმეთა სამინისტროებისა და საქართველოს ტურიზმის ადმინისტრაციის დიდი ძალისხმევა უძღოდა წინ. შედეგად, საქართველომ არჩევნებზე 23 ქვეყნის ხმა მიიღო. გენადი არველაძის თქმით, აღიარების შედეგად, რომელიც საქართველომ არჩევნებში მხარდაჭერით მიიღო, საქართველოს აღმასრულებელი საბჭოს ფარგლებში პანდემიასთან დაკავშირებული გლობალური გამოწვევების შესახებ დისკუსიებში ჩართულობის საშუალებას მისცემს.

„საერთაშორისო ორგანიზაციების აღმასრულებელ საბჭოების წევრობა და აღნიშნულ პროცესში მონაწილეობა დაეხმარება საქართველოს, იყოს კიდევ უფრო მეტად აღიარებული ქვეყანა როგორც საერთაშორისო მოგზაურობის, ისე ტურიზმის გლობალური პოლიტიკის განხორციელების მიმართულებით. მნიშვნელოვანია, რომ საერთაშორისო დონეზე მოხდეს იმ გამოცდილების აღიარება და გაზიარება, რომელიც ჩვენმა ქვეყანამ ბოლო წლებში დააგროვა როგორც გამოწვევების მართვის, ასევე საერთაშორისო ტურისტების მოზიდვის პოლიტიკის მიმართულებით," - განაცხადა მინისტრის მოადგილემ.

საქართველო მსოფლიო ტურიზმის ორგანიზაციის აღმასრულებელი საბჭოს წევრი 4 წლის ვადით გახდა. არჩევნები საბერძნეთში, ქ. ათენში, ორგანიზაციის ევროპის კომისიის რიგით 66-ე შეხვედრის ფარგლებში ჩატარდა. საქართველოს ექნება შესაძლებლობა ჩაერთოს ორგანიზაციის მიზნების დასახვასა და შემდგომ წარმატებით განხორციელებაში, ასევე უზრუნველყოს მისი ეფექტური და გამჭვირვალე ფუნქციონირება. საქართველო თავისი სტრატეგიული ადგილმდებარეობის გათვალისწინებით, შეძლებს დაიცვას როგორც შავი ზღვის, ასევე აღმოსავლეთ ევროპის რეგიონების ინტერესები ტურიზმის განვითარების მიმართულებით. გაეროს მსოფლიო ტურიზმის ორგანიზაციის აღმასრულებელი საბჭო 35 წევრი სახელმწიფოსგან შედგება და წარმოადგენს ორგანიზაციის მმართველ ორგანოს, რომელიც უზრუნველყოფს ორგანიზაციის ეფექტურ მუშაობას და განიხილავს გლობალური დღის წესრიგით გათვალისწინებული მოგზაურობისა და ტურიზმის ინდუსტრიის პოლიტიკის ძირითად საკითხებს.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა