ევროპარლამენტარი მარკეტა გრეგოროვა ნინოწმინდის პანსიონში განვითარებულ მოვლენებს სოციალურ ქსელ „ტვიტერში“ ეხმიანება და იმედს გამოთქვამს, რომ გამოძიება დაუყოვნებლივ ჩატარდება.
„ვფიქრობ, რომ ეს ძალიან სერიოზული ბრალდებაა და ამის შესახებ სულ უფრო მეტი წყაროდან მესმის. იმედი მაქვს, რომ იქნება ახსნა-განმარტება იმასთან დაკავშირებით, თუ რატომ არ უშვებენ სახალხო დამცველს პანსიონში და დაუყოვნებლივ ჩატარდება ამაზე გამოძიება“, - წერს ევროპარლამენტარი.
ის საქართველოს მთავრობას მიმართავს და აცხადებს, რომ საქმე ბავშვებს ეხება.
„ეს ბავშვებს ეხება და არა პოლიტიკას,“- წერს ევროპარლამენტარი.