კულტურის კომიტეტის თავმჯდომარე ელისო ბოლქვაძე პარიზის საკონცერტო დარბაზის "სალ გავოს" დირექტორებს ჟან-მარი და შანტალ ფურნიეებს შეხვდა.

პარლამენტის ინფორმაციით, შეხვედრაზე ქართველი ხელოვანების ხელშეწყობის თაობაზე იმსჯელეს და სამომავლო თანამშრომლობის პერსპექტივები დასახეს.

„ქართული კულტურის პოპულარიზაციისთვის მნიშვნელოვანია სისტემურად ღონისძიებების გამართვა. დარბაზის დირექტორებმა მზადყოფნა გამოთქვეს, ხელი შეუწყონ ამ პროცესს და დაუთმონ საკონცერტო დარბაზების სივრცეები ქართველ ხელოვანებს მომავალ სეზონებზე", - განაცხადა ელისო ბოლქვაძემ.

შეხვედრას საფრანგეთის საელჩოს წარმომადგენელი კულტურის საკითხებში პაატა მაჭავარიანი ესწრებოდა.