მარიამ ქვრივიშვილი - გაეროს მსოფლიო ტურიზმის ორგანიზაციის აღმასრულებელი საბჭოს წევრობა საქართველოს  მისცემს საჭირო ინსტრუმენტებს, რომ სწრაფად და მდგრადად განავითაროს ტურიზმის ინდუსტრია პოსტკოვიდურ რეალობაში

გაეროს მსოფლიო ტურიზმის ორგანიზაცია ქმნის მსოფლიო ტურიზმის ინდუსტრიის პოლიტიკას, შესაბამისად, იყო აღნიშნული ორგანიზაციის აღმასრულებელი საბჭოს არჩეული წევრი - ეს არის უდიდესი მიღწევა ჩვენი ქვეყნისთვის , - განაცხადა ეკონომიკისა და მდგრადი განვითარების მინისტრის მოადგილე მარიამ ქვრივიშვილმა საქართველოს გაეროს მსოფლიო ტურიზმის ორგანიზაციის აღმასრულებელი საბჭოს წევრად არჩევის კომენტირებისას.

ეკონომიკის სამინისტროს მიერ გავრცელებული ინფორმაციის თანახმად, საქართველო მსოფლიო ტურიზმის ორგანიზაციის აღმასრულებელი საბჭოს წევრი 4 წლის ვადით გახდა. არჩევნები საბერძნეთში, ათენში, ორგანიზაციის ევროპის კომისიის რიგით 66-ე შეხვედრის ფარგლებში ჩატარდა. აღსანიშნავია, რომ ორგანიზაციის აღმასრულებელი საბჭოს წევრი 35 სახელმწიფოდან საქართველოს 23-მა ქვეყანამ დაუჭირა მხარი.

ეკონომიკის მინისტრის მოადგილის შეფასებით, ეს ნიშნავს ჩვენი ქვეყნის ცნობადობის კიდევ უფრო მეტად გაზრდას და სწორ პოზიციონირებას. ამასთან, მარიამ ქვრივიშვილის განმარტებით, რაც ყველაზე მნიშვნელოვანია, გაეროს მსოფლიო ტურიზმის ორგანიზაციის აღმასრულებელი საბჭოს წევრობა საქართველოს მისცემს საჭირო ინსტრუმენტებს, რომ სწრაფად და მდგრადად განავითაროს ტურიზმის ინდუსტრია პოსტკოვიდურ რეალობაში.

„ასევე საქართველოს უკვე ექნება შესაძლებლობა, თავისი წვლილი შეიტანოს გლობალური ტურიზმის სწრაფ აღდგენაში", - აღნიშნა ეკონომიკის მინისტრის მაოდგილემ.

გაეროს მსოფლიო ტურიზმის ორგანიზაციის აღმასრულებელი საბჭო 35 წევრი სახელმწიფოსგან შედგება და წარმოადგენს მტო-ს მმართველ ორგანოს, რომელიც უზუნველყოფს ორგანიზაციის ეფექტურ მუშაობას და განიხილავს გლობალური დღის წესრიგით გათვალისწინებული მოგზაურობისა და ტურიზმის ინდუსტრიის პოლიტიკის ძირითად საკითხებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს