ქვემო ქართლში საგზაო ინფრასტრუქტურის სამუშაოები მიმდინარეობს. ამის შესახებ ინფორმაციას რეგიონული განვითარებისა და ინფრასტრუქტურის სამინისტრო ავრცელებს.
მათივე ინფორმაციით, მუნიციპალიტეტში საგზაო ინფრასტრუქტურის მოწყობის სამუშაოებს რეგიონული განვითარებისა და ინფრასტრუქტურის მინისტრის პირველი მოადგილე, ილია ბეგიაშვილი, ქვემო ქართლში სახელმწიფო რწმუნებული, შოთა რეხვიაშვილი, პარლამენტში რუსთავისა და გარდაბნის ათი თემის მაჟორიტარი დეპუტატი, ნინო ლაცაბიძე და გარდაბნის მერი, რამაზ ბუდაღაშვილი გაეცნენ.
„ამ ეტაპზე, რეგიონული განვითარების ფონდის დაფინანსებით 1,011,324 ლარის ღირებულების სამუშაოები ხორციელდება სოფელ სართიჭალის შიდა გზებზე. პროექტის დასრულება ივლისის შუა რიცხვებისთვისაა დაგეგმილი, რომლის ფარგლებში, ასფალტის საფარი სოფლის 12 ლოკაციაზე დაიგება - აღნიშნულ მონაკვეთებზე გამართული საგზაო ინფრასტრუქტურა არასოდეს ყოფილა“, - ნათქვამია ინფორმაციაში.