სსიპ იურიდიული დახმარების სამსახურის განცხადებით, სამსახური მზადაა, სოფელ შეუქრუთის მოსახლეობას, რომელიც საპროტესტო აქციას თბილისში მართავს, კვალიფიციური დახმარება გაუწიოს. ამის შესახებ სსიპ იურიდიული დახმარების სამსახური განცხადებას ავრცელებს.

„იურიდიული დახმარების სამსახურის წარმომადგენლები რამდენჯერმე შევხვდით ჭიათურის მუნიციპალიტეტის სოფელ შეუქრუთის მოსახლეობას, რომლებიც საპროტესტო აქციას თბილისში მართავენ და შევთავაზეთ მათ უფასო სამართლებრივი დახმარება საქართველოს კანონმდებლობით გათვალისწინებული პირობების შესაბამისად. სამსახური კვლავ მზად არის აქციის მონაწილეებს გაუწიოს კვალიფიციური დახმარება და დაიცვას მათი ინტერესები ყველგან - კერძო თუ სახელმწიფო უწყებებთან ურთიერთობის საკითხებში“,- ნათქვამია განცხადებაში.

ცნობისთვის, სოფელ შუქრუთის ადგილობრივი მოსახლეობის ნაწილი პროტესტს განაგრძობს. მათი განცხადებით, კომპანია „ჯორჯიან მანგანეზის“ მიერ წარმოებული სამუშაოების შედეგად მათი საცხოვრებლები ზიანდება.