ამირან გამყრელიძე - ბევრს მაკრიტიკებენ, მაკრიტიკონ, არაუშავს, ავიტან

ბევრს მაკრიტიკებენ, მაკრიტიკონ, არაუშავს, ავიტან“,- ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებთან საუბრისას განაცხადა.

ამირან გამყრელიძემ მისივე განცხადებაზე კრიტიკას გამოეხმაურა, სადაც ის აღნიშნავდა, რომ ზღვაში ბანაობის დროს პირბადე არ უნდა გეკეთოს, მაგრამ ხალხმრავალ ადგილზე მისი გამოყენება აუცილებელია.

როგორც გამყრელიძე აღნიშნავს, კრიტიკის მიუხედავად, ის მოსახლეობას რეკომენდაციების დაცვისკენ სულ მოუწოდებს.

„ბევრს მაკრიტიკებენ, მაკრიტიკონ, არაუშავს. მე სულ უნდა მოვუწოდო მოსახლეობას. ბათუმის ბულვარზე გამაკრიტიკეს. კარგით, მე ამას ავიტან, მაგრამ ხაზს ვუსვამ, ვიდრე 30-40% არ აიცრება, პირბადე ღია სივრცეებში დაგვჭირდება“,-აღნიშნავს გამყრელიძე.

მან ვაქინაციის პროცესზეც ისაუბრა და აღნიშნა, რომ ყველა ბრიგადა გადის გადამზადებას იმუნიზაციის გვერდით პროცესებთან დაკავშირებით. მისივე თქმით, სამიზნე მაჩვენებლის ასაცრელად გასამმაგდება ბრიგადების რაოდენობაც.

„უნდა გასამმაგდეს ბრიგადების რაოდენობა. ისინი, ვინც მუშაობენ კვირაში სამ ან ოთხ დღეს, უნდა იმუშაონ შვიდი დღის განმავლობაში. დამდგარია საკითხი და ვაორმაგებთ ანაზღაურებას სამედიცინო დაწესებულებებისადმი, ბრიგადების გავრცობა გულისხმობს სამედიცინო პერსონალის მეტ გადამზადებას“, - აღნიშნავს გამყრელიძე.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა