სოფელ ზარათში ხმაური იყო. დაპირისპირება სამართალდამცველებსა და ადგილობრივებს შორის მოხდა.

მოსახლეობის თქმით, მათ მეზობელ სოფელში სურდათ წასვლა, თუმცა პოლიციელებმა ამის უფლება არ მისცეს, რასაც დაპირისპირება მოჰყვა.

გაბრაზებულმა მოსახლეობამ პროტესტის ნიშნად გზა ლოდებით გადაკეტა.

"რიონის ხეობის მცველების" ერთ-ერთი წარმომადგენლის ვარლამ გოლეთიანის თქმით, პოლიცია უკანონოდ ზღუდავს ადგილობრივების უფლებებს, რის გამოც მოსახლეობის ცხოვრება გაუსაძლისი გახდა.