სალომე სამადაშვილი - ანგარიშის პარლამენტში წარდგენისას პრემიერთან უკიდურესად მწვავე შეკითხვები გვექნება

პარლამენტის ოპოზიციონერი დეპუტატის, სალომე სამადაშვილის განცხადებით, ქვეყანას აქვს სრული ჩავარდნა პანდემიის მიმართულებით, ასევე ეკონომიკური კრახი და გაურკვეველია, რა წარმატებაზე საუბრობს საქართველოს პრემიერ-მინისტრი საკუთარ ანგარიშში.

როგორც სამადაშვილმა პარლამენტში ჟურნალისტებს განუცხადა, აღნიშნული ანგარიშის პარლამენტში წარდგენისას ოპოზიციას პრემიერთან “უკიდურესად მწვავე შეკითხვები ექნება”.

“ვფიქრობ, ძალიან რთულია რაიმე პროგრესზე საუბარი. ჩვენ ვხედავთ, რომ პანდემიის მიმართულებით გვაქვს სრული ჩავარდნა იმიტომ, რომ საქართველოს ერთ-ერთი ყველაზე დაბალი მაჩვენებელი აქვს ვაქცინაციის და ერთ-ერთი ყველაზე მაღალი მაჩვენებელი სიკვდილიანობის. პანდემიის მართვის მიმართულებით არის ძალიან ბევრი შეკითხვა დაგროვილი საზოგადოებაში.

რაც შეეხება ეკონომიკას, ჩვენ ყველა ვცხოვრობთ ამ ქვეყანაში და ვხედავთ ყოველდღიურ რეჟიმში გაზრდილ ფასებს, გამქრალ სამუშაო ადგილებს, სრულ ეკონომიკურ კრახს. ამიტომ გაურკვეველია, საერთოდ რა წარმატებაზე საუბრობს პრემიერ-მინისტრი. როდესაც პრემიერ-მინისტრი მოვა პარლამენტში ამ ანგარიშის წარსადგენად, ჩვენ გვექნება უკიდურესად მწვავე შეკითხვები, უფრო სწორად ეს შეკითხვები საქართველოს ხელისუფლებასთან ქართველ საზოგადოებას აქვს. ჩვენ ამ შეკითხვებს დავუსვამთ პრემიერ-მინისტრს”,- განაცხადა სამადაშვილმა.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება