სოზარ სუბარი - კეთილი იყოს "ნაცმოძრაობის" მობრძანება პარლამენტში - მეტი ხმაური იქნება, რაც მათთვის დამახასიათებელია

კეთილი იყოს "ნაციონალური მოძრაობის" მობრძანება პარლამენტში - ძალიან გამიჭირდება ყვირილით გადავფარო მათი ხმამაღალი შეძახილები, თუმცა, საქმეზე და შინაარსზე თუ ვილაპარაკებთ, მაშინ უპირატესობა ჩვენია,- ამის შესახებ რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარმა ჟურნალისტებთან განაცხადა.

რაც შეეხება "ნაციონალური მოძრაობის" მხრიდან შარლ მიშელის დოკუმენტზე ხელის არმოწერას, სუბარი აცხადებს, რომ ეს მათი გადასაწყვეტია, თუმცა, მოაწერენ თუ არ მოაწერენ ხელს, ეს ფაქტი დოკუმენტის აღსრულებაზე გავლენას ვერ მოახდენს.

"კეთილი იყოს მათი მობრძანება პარლამენტში, სადაც 6 თვის წინაც ზუსტად ვიცოდით, რომ შემოვიდოდნენ და არ მივეცით საბოტაჟის საშუალება. ძალიან კარგია რომ შემოდიან. იმედი მაქვს, მიიღებენ საპარლამენტო საქმიანობაში სრულყოფილად ჩართვის გადაწყვეტილებას. იქნება მეტი ხმაური, რაც მათთვის დამახასიათებელია, თუმცა, ხმაურის გარდა თუ პატარა საქმესაც გააკეთებენ, ეს იქნება უკეთესი ქვეყნისთვის და მათთვისაც, რადგან მათი ამომრჩეველი ამას ალბათ დაინახავს, თუკი იმუშავებენ. მე პირადად ძალიან გამიჭირდება ყვირილით გადავფარო მათი ხმამაღალი შეძახილები. საქმეზე და შინაარსზე თუ ვილაპარაკებთ მაშინ უპირატესობა ჩვენია,"- განაცხადა სუბარმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა