დესტრუქციის ელემენტი ძალიან ჭარბად იქნება "ნაციონალური მოძრაობის" საქმიანობაში,- ამის შესახებ საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა ჟურნალისტებთან განაცხადა.
მისი თქმით, "ნაციონალური მოძრაობის" განაცხადი ფრაქციის შექმნის თაობაზე დღეს საპროცედურო საკითხთა და წესების კომიტეტზე დაკმაყოფილდება და მას ბიურო ცნობად მიიღებს.
"4 ფრაქცია და ერთი პოლიტიკური ჯგუფი გვეყოლება საქართველოს პარლამენტში. ფრაქციის შექმნა არის პოლიტიკური ინსტრუმენტი პარლამენტში, მაგრამ მათი მხრიდან შარლ მიშელის დოკუმენტზე ხელის არმოწერა ნიშნავს იმას, რომ დესტრუქციის ელემენტი იქნება ძალიან ჭარბად მათ საქმიანობაში წარმოდგენილი, ეს იქნება და მეტი არაფერი,"- განაცხადა ქადაგიშვილმა.
დღეს საპროცედურო საკითხთა და წესების კომიტეტი "ნაციონალური მოძრაობის" ფრაქციის რეგისტრაციასთან ერთად, განიხილავს ასევე "შარლ მიშელის რეფორმების ჯგუფის" რეგისტრაციის საკითხს, დღესვე განიხილება პოლიტიკური ჯგუფის "ევროპელი სოციალისტების" რეგისტრაციის საკითხიც.