მედეა ჯანიაშვილი - გაერო-ს მსოფლიო ტურიზმის ორგანიზაციის აღმასრულებელი საბჭოს წევრობა საქართველოსთვის დიდი პატივი და პასუხისმგებლობაა

გაერო-ს მსოფლიო ტურიზმის ორგანიზაციის აღმასრულებელ საბჭოში საქართველოს 4 წლით საბჭოს წევრად არჩევას ქვეყნის მნიშვნელოვან წარმატებად აფასებს საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელის მოვალეობის შემსრულებელი.

მედეა ჯანიაშვილის განცხადებით, საბჭოს წევრობა ქვეყნისთვის და ტურიზმის სექტორისთვის ძალიან მნიშვნელოვანია.

„გაეროს მსოფლიო ტურიზმის ორგანიზაციაში ყველა წამყვანი ტურისტული ქვეყანაა გაერთიანებული, თუმცა აღმასრულებელ საბჭოში წარმოდგენილია 35 ქვეყანა. საბჭო წარმოადგენს გაეროს მსოფლიო ტურიზმის ორგანიზაციის მმართველ ორგანოს და განსაზღვრავს ტურიზმის პოლიტიკას მსოფლიოში.

ეს არის მსოფლიოს ტურისტულად წამყვანი ქვეყნების მხრიდან აღიარება, რომ საქართველო ღირსია იყოს საბჭოს წევრი და მონაწილეობა მიიღოს ტურიზმის დაგეგმვის მიმართულებით გლობალურ პროცესში, ასევე ერთის მხრივ მიიღოს გამოცდილება და მეორეს მხრივ საქართველომ თავისი გამოცდილება გაუზიაროს მსოფლიოს. ეს არის ქვეყნისთვის და ზოგადად ტურიზმის ინდუსტრიისთვის ძალიან სასიხარულო ამბავი.

საბჭოს წევრობით ჩვენ აღმოსავლეთ ევროპას წარმოვადგენთ, რაც ქვეყნისთვის დიდი პატივი და ამავდროულად დიდი პასუხიმგებლობაა, რომ სწორად გამოვიყენოთ ეს 4 წელი საქართველოსთვის და გავიზიაროთ გამოცდილებები. როგორც იცით პანდემიამ ტურიზმი მთელ მსოფლიოში დააზარალა და ახლა მნიშვნელოვანია თანმიმდევრული, შეჯერებული ხედვა მთელ მსოფლიოში თუ როგორ მოხდეს ტურიზმის სექტორის აღდგენა და წინსვლა.“-განაცხადა მედეა ჯანიაშვილმა.

ინფორმაციას ტურიზმის ეროვნული ადმინისტრაცია ავრცელებს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!