უმრავლესობის წევრის დავით სერგეენკოს განცხადებით, „ნაციონალური მოძრაობის” პარლამენტში შესვლით პოლიტიკური რეალობა არ შეიცვლება.
ამასთან, როგორც მან ჟურნალისტებს განუცხადა, ის, რომ „ნაციონალური მოძრაობა” შარლ მიშელის დოკუმენტს ხელს არ აწერს, „ალბათ, თანმიმდევრულობის დეფიციტზე მიანიშნებს“.
„ნაციონალური მოძრაობის“ შემოსვლით სხვა პოლიტიკური რეალობა არ შეიქმნება, რადგან ეჭვი მეპარება, რომ მათ საკუთარ თავში ძალა გამონახონ, რომ კონსტრუქციული ოპონირება დაიწყონ და არა შეძახილებით დაძაბონ პოლიტიკური ვითარება. მათი შემოსვლით პოლიტიკური რეალობა არ შეიცვლება, მაგრამ ვითარება პარლამენტში მნიშვნელოვნად შეიცვლება”, – განაცხადა სერგეენკომ.