თბილისის საკრებულოს კონკურსის „პანდემია, როგორც  შესაძლებლობა“ საინფორმაციო კამპანია დაიწყო

თბილისის საკრებულოს განათლებისა და კულტურის კომისიის თავმჯდომარემ თინათინ ნიბლოშვილმა საკრებულოს მაჟორიტარ დეპუტატებთან ერთად, თბილისის საკრებულოს მიერ გამოცხადებული კონკურსის „პანდემია, როგორც შესაძლებლობა“ საინფორმაციო კამპანია დაიწყო.

საკრებულოს პრესსამსახურის ინფორმაციით, კამპანიის ფარგლებში პირველი შეხვედრა თბილისის N 186-ე საჯარო სკოლაში გაიმართა, რომელსაც თინათინ ნიბლოშვილი თბილისის საკრებულოს საბურთალოს რაიონის მაჟორიტარ დეპუტატთან ავთანდილ ცინცაძესთან ერთად ესტუმრა.

საკრებულოს წევრებმა საგანმანათლებლო დაწესებულების დარბაზში შეკრებილ საბურთალოს ოლქში არსებული საჯარო სკოლების დირექტორებსა და მოსწავლეებს კონკურსის „პანდემია, როგორც შესაძლებლობა“ შესახებ ინფორმაცია მიაწოდეს და მასში მონაწილეობის პირობები დეტალურად გააცნეს.

„საინფორმაციო კამპანია მთელი თბილისის სკოლებს მოიცავს და მისი მიზანი თბილისის საკრებულოს მიერ გამოცხადებული კონკურსის „პანდემია, როგორც შესაძლებლობა“ პირობებისა და მიზნების შესახებ ინფორმაციის მიწოდებაა. დღევანდელ შეხვედრაზე, საბურთალოს მეოთხე ოლქში არსებული სკოლების ხელმძღვანელებსა და მოსწავლეებს გადავეცით კონკრეტული ინფორმაცია თუ სად შეუძლიათ მასალების მოძიება კონკურსის პირობების შესახებ, ავუხსენით დეტალები თუ როგორ უნდა ჩაერთონ კონკურსში. მოხარული ვარ, რომ დაინტერესება ძალიან დიდია და იმედი გვაქვს, რომ აღნიშნულ კონკურსში თბილისში არსებული ყველა სკოლა მონაწილეობას მიიღებს“,- განაცხადა თინათინ ნიბლოშვილმა.

საბურთალოს რაიონის მაჟორიტარმა დეპუტატმა ავთანდილ ცინცაძემ მოსწავლეებს აქტიურობისკენ მოუწოდა და წარმატება უსურვა.

თბილისის საკრებულომ კონკურსი „პანდემია, როგორც შესაძლებლობა“ 2 ივნისს გამოაცხადა. პროექტის მიზანია, პანდემიის პერიოდის პოზიტიურ ჭრილში განხილვა და ბავშვების დახმარება იმ იდეების, სიახლეების, საინტერესო გეგმების რეალიზაციაში, რომლებიც პანდემიის პერიოდში დაუგროვდათ.

კონკურსში „პანდემია, როგორც შესაძლებლობა“ მონაწილეობას თბილისის საჯარო და კერძო სკოლების მონაწილეები შეძლებენ. მათ საკონკურსო ნამუშევრები კომისიას მიმდინარე წლის 2 ივნისიდან - 20 ივნისის ჩათვლით, მოკლე სამოყვარულო ვიდეოების სახით (1.5 წთ. – 3 წთ. ხანგრძლივობის) მითითებულ მისამართზე ectbilisi@gmail.com უნდა მიაწოდონ. საკონკურსო ნამუშევრები კონკურსისათვის საგანგებოდ შექმნილ ფეისბუქ პლატფორმაზე: კონკურსი - “პანდემია, როგორც შესაძლებლობა” აიტვირთება.

კონკურსის შედეგების შეფასებისთვის ხუთკაციანი ჟიური წარმოდგენილ ნამუშევრებს ინდივიდუალურად გაეცნობა, შეარჩევს, შეაფასებს და გამარჯვებულს 10 დღის განმავლობაში გამოავლენს. გამარჯვებულები სპეციალურ სიგელებსა და სამახსოვრო საჩუქრებს მიიღებენ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!