რეზო გაბრიაძე ბუმბერაზი გენიოსი იყო, რომელიც ძალიან დაგვაკლდება, - ამის შესახებ საქართველოს პარლამენტის თავმჯდომარემ ბიუროს სხდომაზე განაცხადა და დიდი ქართველი მხატვრის, თეატრისა და კინოს რეჟისორის, მწერლის გარდაცვალების გამო მწუხარება გამოთქვა.

როგორც კახა კუჭავამ აღნიშნა, რეზო გაბრიაძის შემოქმედებაზე თაობები გაიზრდებიან.

„ვუსამძიმრებთ რეზო გაბრიაძის ოჯახს, მთელ საქართველოს ამ ძალიან დიდ დანაკარგს. ადამიანი, რომლის შემოქმედებაზე გაიზარდა თაობები და კიდევ გაიზრდება. უდიდესი ქართველი, კინოს, თეატრის რეჟისორი, მხატვარი, მწერალი, ადამიანი, რომლის ამ ქვეყნიდან წასვლამ ნამდვილად გული დაწყვიტა არა მხოლოდ მის ახლობლებს, ქართველებს, არამედ ყველას მსოფლიო მასშტაბით. ის ნამდვილად ბუმბერაზი გენიოსი იყო, რომელიც ძალიან დაგვაკლდება. ვუსამძიმრებთ მის ოჯახს, მის ახლობლებს და მთლიანად საქართველოს ნამდვილად ამ ძალიან დიდ დანაკარგს ჩვენი ქვეყნისთვის“, - განაცხადა კახა კუჭავამ.