„მოქალაქეების” ერთ-ერთი ლიდერი, ლევან იოსელიანი „ნაციონალურ მოძრაობას“ „პოლიტიკურ ხარისხს“ უწუნებს და აცხადებს, რომ ამ პარტიას პარლამენტში მოკავშირედ ვერ განიხილავს.

როგორც იოსელიანმა ჟურნალისტებს განუცხადა, „ნაციონალური მოძრაობა“ შერცხვენილია და ისინი პარლამენტში „არაფრის გულისთვის” შედიან.

„ნაციონალურ მოძრაობას“ მოკავშირედ ვერ განვიხილავთ. ეს ცხადია. არც არასდროს ვყოფილვართ მოკავშირეები, რაც შეეხება მათ რაოდენობას, ვფიქრობ, რაოდენობაში არაა საქმე, საქმე არის ხარისხში. „ნაციონალურ მოძრაობას” ბევრ რამეს ვუწუნებ, მათ შორის პოლიტიკურ ხარისხს. თუნდაც პოლიტიკური პრაგმატიზმის და გამჭრიახობოს ნაწილში. შემოდიან პარლამენტში იმ პირობებში, როდესაც რეალურად არიან შერცხვენილები არა მხოლოდ თავისი კოლეგების წინაშე, არამედ ჩვენი მოქალაქეების და მათი მხარდამჭერების წინაშე. შემოდიან არაფრის გულისთვის”,- განაცხადა იოსელიანმა.