ლევან ვასაძე - როცა თითი-თითზე არ დაგიდია იმისთვის, რომ სისხლიანი რეჟიმის მიერ გაწამებული ხალხის უფლებები დაიცვა, შენ არ ხარ სახალხო დამცველი, შენ ხარ სახალხო დამცინველი

როდესაც წლები გადის და თითი-თითზე არ დაგიდია იმისთვის, რომ სისხლიანი რეჟიმის მიერ გაწამებული ხალხის უფლებები დაიცვა, შენ არ ხარ სახალხო დამცველი, შენ ხარ სახალხო დამცინველი ასეთ მდგომარეობაში, - ასე მიმართა ომბუდსმენ ნინო ლომჯარიას სახალხო დამცევლის ოფისთან „ერთობა, რაობა, იმედის“ დამფუძნებელმა, ლევან ვასაძემ.

მისი თქმით, სახალხო დამცველის ინსტიტუტი ან საერთოდ უნდა გაუქმდეს, ან ქართველი ხალხის სამსახურში უნდა იყოს.

„როდესაც შენ სახალხო დამცველად მუშაობ ქვეყანაში, სადაც დილიდან საღამომდე ხდება ტრადიციაზე ძალადობა, ეკლესიის დაცინვა, დაცინვა იმაზე, რაც მიღებულია საზოგადოებაში, როდესაც შენ ამის ნაცვლად ყველაზე გარყვნილ ადამიანებზე ზრუნავ, შენ არ ხარ სახალხო დამცველი, შენ ხარ ამ ქვეყნის მტერი. აქ არაფერი პირადული არ არის, ჩვენ ყველანი ცივილიზებული ხალხი ვართ, ჩვენ ვართ პრინციპების, ზნეობის ხალხი. წესის ხალხი გეუბნებით, შენ თუ არ გესმის, რას ნიშნავს სახალხო დამცველობა, თუ არ გესმის, რომ ფარად უნდა დაუდგე ყოველგვარ უსამართლობას, ამ უსამართლობა ნაზეიმებ ქვეყანაში, უნდა გამოესარჩლო გაჭირვებულ ხალხს, რომლებსაც შვილებს ართმევენ სოციალური მუშაკები, შენ არ ხარ სახალო დამცველი, შენ ხარ ამ ქვეყნის მტერი. შემირცხვენია ის ხალხი, ვინც შენ სახალხო დამცველად დაგნიშნა. მიმაჩნია, რომ თვითონ ეს ინსტიტუტი ან საერთოდ უნდა გაუქმდეს, ან უნდა დადგეს ქართველი ხალხის სამსახურში ერთხელ და სამუდამოდ. მიმაჩნია, რომ დაცინვაც ძალადობაა. შეიძლება ადამიანს ხელი დაარტყა და ნაკლები ზიანი მიაყენო, ვიდრე სიტყვით. როდესაც გამოდიხარ და იცავ ისეთ ტელევიზიებს, ისეთ მედია რესურსებს, რომელიც დილიდან საღამომდე გულს უხეთქავენ ტრადიციულ საზოგადოებას, შენ ხარ მოძალადე და არა სახალხო დამცველი“, - განაცხადა ვასაძემ.

მან ასევე ძალოვან უწყებას მოუწოდა, ხალხის გევრდით დადგნენ.

„მინდა გავაფრთხილო და მოვუწოდო ჩვენს ძვირფას, პატივცემულ ძალოვანებს, თუ გადაუტრიალდათ ამ ჩვენს ნამუსგარეცხილ პოლიტიკოსებს ტვინი და მაინც ეცადნენ, რომ დააძალონ ქართველ ხალხს სიბინძურის კვირეული, ნუ გამოესარჩლებით ამ სიბინძურეს იმიტომ, რომ ხალხი მოვა და თავის სათქმელს მაინც იტყვის. დადექით თქვენი ხალხის გვერდზე და დალოცვილები და დახარებულები იქნებით“,-განაცხადა ვასაძემ.

ცნობისთვის, სახალხო დამცველის ოფისთან აქცია იმართება. აქციაზე მეუფე სპირიდონის მხარდამჭერები არიან შეკრებილები. ისინი მეუფე სპირიდონს მხარდაჭერას უცხადებენ. ადგილზე პოლიციაა მობილიზებული.

შეგახსენებთ, რომ ნინოწმინდის ბავშვთა პანსიონი ამ დროისთვის 20-მა ბენეფიციარმა დატოვა, მათ შორის შვიდი შშმ პირია. სასამართლოს გადაწყვეტილებას არ ეთანხმება მეუფე სპირიდონი.

სახელმწიფო ზრუნვის სააგენტოს ინფორმაციით, ნინოწმინდის პანსიონიდან გამოყვანილი ბავშვები ბიოლოგიურ ოჯახში, მცირე საოჯახო ტიპის სახლსა და მინდობით აღზრდაში იმყოფებიან.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის