საქართველოს ლიეტუვის პრეზიდენტი ეწვევა

ლიეტუვის პრეზიდენტი, გიტანას ნაუსედა საქართველოში ოფიციალური ვიზიტით გაემგზავრება, - ამ ინფორმაციას ლიეტუვის პრეზიდენტის კომუნიკაციების ჯგუფი ავრცელებს.

მათივე ცნობით, გიტანას ნაუსედა და პირველი ლედი დიანა ნაუსედიენი საქართველოს ოფიციალური ვიზიტით 10-12 ივნისს ეწვევიან.

ვიზიტის მიზანი საქართველოს ევროატლანტიკური ინტეგრაციის მიმართ სოლიდარობის გამოხატვა, რეფორმების განხორციელებისა და დემოკრატიის კონსოლიდაციის მხარდაჭერაა.

განცხადებაში ასევე აღნიშნულია, რომ პრეზიდენტი ვიზიტის ფარგლებში შეხვდება - საქართველოს პრეზიდენტ სალომე ზურაბიშვილს, პრემიერ-მინისტრ ირაკლი ღარიბაშვილსა და პარლამენტის თავმჯდომარე , კახაბერ კუჭავას.

ვიზიტის პროგრამა ასევე მოიცავს პრეზიდენტის შეხვედრას ადგილობრივ ლიეტუველ თემთან და საქართველოს არასამთავრობო ორგანიზაციების წარმომადგენლებთან.

პრეზიდენტი და მისი მეუღლე ასევე შეხვდებიან სრულიად საქართველოს კათოლიკოს-პატრიარქს ილია მეორეს.

გიტანას ნაუსედა რუსეთის მიერ ოკუპირებულ ტერიტორიებსაც მოინახულებს.

პირველი ლედი დიანა ნაუსედიენი საქართველოს ტექნიკური უნივერსიტეტის ლიეტუვური ენისა და კულტურის ცენტრში ანტანას ვილკუტაიტის-კეთურაკისის ძეგლის გახსნის ცერემონიალსა და წიგნის პრეზენტაციას დაესწრება.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში