საქართველოში გაზიარებული ინტელექტუალური სერვისების სექტორის შესახებ პირველი ფართომასშტაბიანი საჯარო დიალოგი გაიმართა

დარგობრივი ეკონომიკისა და ეკონომიკური პოლიტიკის კომიტეტისა და USAID-ის ეკონომიკური უსაფრთხოების პროგრამის ორგანიზებით საჯარო და კერძო სექტორებს შორის გაიმართა პირველი ფართომასშტაბიანი დიალოგი თემაზე: „გაზიარებული ინტელექტუალური სერვისების სექტორი საქართველოში: განვითარების პერსპექტივები და საუკეთესო საერთაშორისო გამოცდილება". ამის შესახებ ინფორმაციას საქართველოს პარლამენტი ავრცელებს.

„გაზიარებული ინტელექტუალური სერვისების სექტორი თანამედროვე ციფრულ ეპოქაში ეკონომიკის უმნიშვნელოვანესი და სწრაფად მზარდი სექტორია მთელ მსოფლიოში, და მათ შორის საქართველოში", - განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა.

მისივე თქმით, საქართველოს ხელისუფლებისთვის პრიორიტეტია აღნიშნულ სექტორში არსებული სირთულეები დროულად დაიძლიოს და ამ სექტორის განვითარების პოტენციალის ეფექტურად ათვისება მოხდეს.

კომიტეტის თავმჯდომარის განცხადებით, ინტელექტუალური სერვისების სექტორი ერთ-ერთი ყველაზე კონკურენტუნარიანი მიმართულებაა ახალი სამუშაო ადგილების შექმნის, ინვესტიციების მოზიდვისა და შემოსავლების ზრდისთვის.

„საინფორმაციო და საკომუნიკაციო ტექნოლოგიების და ელექტრონული კომერციის სწრაფი განვითარება ორმაგად მნიშვნელოვანია, განსაკუთრებით პანდემიის ფონზე, რომელმაც ბიზნესის ციფრული ტრანსფორმაციის პროცესი და ელექტრონული კომერციის ზრდა მთელ მსოფლიოში კიდევ უფრო დააჩქარა", - აღნიშნა დავით სონღულაშვილმა.

ღონისძიებაზე წარმოდგენილი იყო PMCG-ის გუნდის კვლევის შედეგები, რომელიც USAID-ის ეკონომიკური უსაფრთხოების პროგრამის მხარდაჭერით განხორციელდა, რის შემდეგაც დიალოგის მონაწილეებმა სექტორში არსებული ძირითადი გამოწვევებისა და მათი გადაჭრის გზებზე იმსჯელეს.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი