თამარ კორძაია - შარლ მიშელის დოკუმენტზე ხელის არმოწერა  გასაგებია, რადგან  დებულებები ისე სრულდება, რომ ღირსების შელახვის ზღვარზე გადის

პარლამენტის დამოუკიდებელი დეპუტატის, თამარ კორძაიას განცხადებით, ის მმართველი პარტიის მიერ შემუშავებულ „ამნისტიის შესახებ“ კანონპროექტს არ ეთანხმება და არ გამორიცხავს ხმა მის წინააღმდეგ მისცეს.

როგორც კორძაიამ ჟურნალისტებს განუცხადა, „ქართული ოცნება“ არ მოქმედებს იმ სულისკვეთებით, რისთვისაც ეს შეთანხმება შედგა.

„ქართული ოცნების“ შექმნილ კანონპროექტს ცალსახად არ ექნება მხარდაჭერა. უფრო მეტიც შეიძლება წინააღმდეგაც მივცე ხმა. "ქართული ოცნება" არ მოქმედებს იმ სულისკვეთებით, რისთვისაც ეს შეთანხმება შედგა, არ არის მოტივირებული, რომ რეალური დიალოგი წარმართოს ყველაზე მსხვილ ოპოზიციურ პარტიასთან და დებულება ისეთი ფორმით ჩაწერა, რაც ღირსების შემლახავი შეიძლება იყოს არა მარტო პარტიის თავმჯდომარისთვის, არამედ, ნებისმიერი ადამიანისთვის. აქედან გამომდინარე, თუ „ქართული ოცნება“ თვლის, რომ ასეთ ზღვარზე უნდა იაროს ამ შეთანხმების შესრულების, რა თქმა უნდა, ამ სულისკვეთებას ჩვენი ევროპელი და დასავლელი კოლეგები დაინახავენ“, - განაცხადა კორძაიამ.

რაც შეეხება „ნაციონალური მოძრაობის“ პარლამენტში შემოსვლის საკითხს ისე, რომ შარლ მიშელის დოკუმენტზე ხელს არ აწერენ, როგორც კორძაია ამბობს, ეს პარტიული გადაწყვეტილებაა და ერთ-ერთ მიზეზად მმართველი პარტიის მიერ დებულებების „ღირსების შელახვის ზღვარზე“ შესრულებას ასახელებს.

„დასავლელი პარტნიორებისთვის მნიშვნელოვანია, რომ პარლამენტში სრულად იყოს წარმოდგენილი ყველა წევრი. რაც შეეხება შარლ მიშელის დოკუმენტზე ხელის არმოწერას, ეს გასაგებია, რადგან დებულებები ისე სრულდება, რომ ზღვარზე გადის ღირსების შელახვის. პარტიაში გადაწყდა, რომ პარლამენტში შემოსულიყო, მაგრამ ხელი არ მოეწერათ, მოსწონს ეს თუ არ მოსწონს „ქართულ ოცნებას“ თუ ვინმეს, ეს მათი პარტიული გადაწყვეტილებაა“,- განაცხადა კორძაიამ.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო