გიორგი ვაშაძემ სოფელ შუქრუთში არსებული მდგომარეობის ამსახველი ფოტოები პარლამენტში, საკუთარი კაბინეტის წინ გამოფინა

პარლამენტის ოპიზიციონერმა დეპუტატმა ,“ სტრატეგია აღმაშენებლის“ ლიდერმა გიორგი ვაშაძემ ჭიათურის მუნიციპალიტეტის სოფელ შუქრუთში არსებული მდგომარეობის ამსახველი ფოტოები პარლამენტში, საკუთარი სამუშაო კაბინეტის წინ გამოფინა.

ფოტოებზე აღბეჭდილია ეკოლოგიური პრობლემები, რომლის წინაშეც სოფელი შუქრუთია და თავად მოშიმშილე შექრუთელები.

"ეს ხალხი 30 დღეზე მეტია შიმშილობს. ხელისუფლებისა და "ქართული ოცნების" წარმომადგენელი მათთან არ ჩასულა. მათ არ შეხვედრია არც კომპანიის გაკოტრების მმართველი, რომელიც ხელისუფლების მიერ დანიშნული პირია.

რადგან „ქართული ოცნება“ ამ ხალხთან არ მიდის და არ ინტერესდება, რაზე აქვთ მათ პრეტენზია და რატომ შიმშილობენ, პარლამენტში წარმოვადგენ ფოტოებს, რათა აქ მაინც ნახონ ის ეკოლოგიური კატასტროფა, რასაც შუქრუთში აქვს ადგილი", - განაცხადა გიორგი ვაშაძემ.

შუქრუთში მიმდინარე შიმშილობის აქციის მონაწილეები ითხოვენ, „ჯორჯიან მანგანეზმა“ მადნის მოპოვება შეწყვიტოს, ან დაზარალებულებს განსახლებისთვის ადეკვატური კომპენსაცია გადაუხადოს.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს