სამწუხაროდ, „ქართული ოცნება“ ვერ ათვითცნობიერებს, თუ რაოდენ მნიშვნელოვანი და საჭიროა ამნისტიის შესახებ პროექტზე შეთანხმება და არა ყველა პუნქტზე ბარიერების აღმართვა, - ამის თაობაზე საპარლამენტო ფრაქცია “შარლ მიშელის რეფორმის ჯგუფის“ ხელმძღვანელმა ხათუნა სამნიძემ განაცხადა.

სამნიძის თქმით, საკითხის მეორე მოსმენით განხილვის დროს პროექტიდან ამოღებული უნდა იყოს ჩანაწერი, რომელიც “პირდაპირ ნიკა მელიას უკავშირდება და ამნისტიაზე მის თანხმობას ითხოვს“.

“გასაგებია, რომ ყველა ადამიანს აქვს შესაძლებლობა ამნისტიაზე თქვას უარი, მაგრამ ეს ისე არ ხდება, როგორც “ქართულმა ოცნებამ“ საკუთარ პროექტში ჩადო. მთელი მისი ენერგია მიმართულია იქეთკენ, რომ როგორმე ოპოზიციას ავნოს“, - აღნიშნა ხათუნა სამნიძემ.