კახა კუჭავა „ნაცმოძრაობაზე“ - მიხარია, რომ შემოდიან, რადგან აუცილებელია  პარლამენტში ყველა პოლიტიკური ძალა  იყოს წარმოდგენილი

მიხარია, რომ შემოდიან, რადგან აუცილებელია პარლამენტში იყოს ყველა პოლიტიკური ძალა წარმოდგენილი , - ამის შესახებ ჟურნალისტებს პარლამენტის თავმჯდომარემ კახა კუჭავამ „ნაციონალურ მოძრაობასთან“ დაკავშირებით განუცხადა.

მისივე თქმით, სასურველია „ნაციონალურმა მოძრაობამ“ ხელი შარლ მიშელის დოკუმენტსაც მოაწეროს.

„აუცილებელია ყველა პოლიტიკური პარტია, რომელსაც ამომრჩეველმა მხარი დაუჭირა და წარმოდგენილია საქართველოში, თავიანთი მანდატები გამოიყენონ და დაიკავონ ეს ადგილები, რომელიც მათ ეკუთვნით - ზუსტად თავიანთი ამომრჩევლის ხმა უნდა ისმოდეს პარლამენტში. მე ადრეც ვამბობდი, მოვუწოდებდი მათ და მიხარია, რომ შემოდიან, რადგან აუცილებელია პარლამენტში იყოს ყველა პოლიტიკური ძალა წარმოდგენილი. მე ადრეც ვთქვი და გავიმეორებ, რომ ვისურვებ მათ ხელი მოაწერონ შარლ მიშელის დოკუმენტს, იქ არის ბევრი მნიშნელოვანი პუნქტი, რაზეც აუცილებელია ყველა პარტიის ჩართულობა და რთული იქნება მასში მონაწილება მიიღოს იმან, ვისაც არ აქვს ხელი მოწერილი. რა თქმა უნდა, ჩემი სურვილი იქნება მათ ხელი შარლ მიშელის დოკუმენტსაც მოაწერონ და შემოუერთდნენ ამ ვალდებულებებს, რომელიც პარტიებმა დოკუმენტზე ხელმოწერით ავიღეთ და შემდგომ უკვე გავაგრძელოთ ერთად მუშაობა იმ საკითხებზე, რომელიც გათვალსიწინებულია ამ დოკუმენტში.

მათ ნებისმიერი განცხადების გაკეთების საშუალება აქვთ, მათ შორის უკვე პარლამენტიდანაც. წინ გველოდება არჩევნები და არჩევნები, რომელზეც ხალხმა თავისი ნება უნდა დააფიქსიროს, ხოლო ჩვენ, „ქართული ოცნება“ ჩვენს გამარჯვებაში ვართ დარწმუნებული. ეს არ იქნება მხოლოდ 43%“, - განაცხადა კუჭავამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!