იმედი მაქვს, საპარლამენტო მუშაობა იმ ვადაში, რა ვადაშიც ქვეყანა სამართლიანი ვადამდელი არჩევნებისთვის უნდა მოვამზადოთ, მაქსიმალურად ეფექტური და აქტიური იქნება, - ასე ეხმაურება ფრაქცია “ლელო - პარტნიორობა საქართველოსთვის“ წევრი ანა ნაცვლიშვილი პარლამენტში “ნაციონალური მოძრაობის“ შესვლას.

დეპუტატის თქმით, საპარლამენტო ცხოვრებაში ჩართვის თაობაზე “ნაციონალური მოძრაობის“ მიერ მიღებული გადაწყვეტილება სწორი ნაბიჯია.

“მივესალმები, რომ დღეიდან პარლამენტში ოპოზიციური ფლანგი გაცილებით უფრო მრავალრიცხოვანი და მრავალფეროვანი გახდება. “ნაციონალურმა მოძრაობამ“ სწორი გადაწყვეტილება მიიღო“, - განაცხადა ანა ნაცვლიშვილმა.